சரியான ஊழியம்

Wed Mar 25, 2015 11:15 pm

ஊழியம்............

மத்தேயு 6:24
இரண்டு எஜமான்களுக்கு ஊழியம் செய்ய ஒருவனாலும் கூடாது; ஒருவனைப் பகைத்து ஒருவனைச் சிநேகிப்பான். அல்லது ஒருவனைப் பற்றிக்கொண்டு மற்றவனை அசட்டைபண்ணுவான்; தேவனுக்கும் உலகப் பொருளுக்கும் ஊழியஞ்செய்ய உங்களால் கூடாது.

ஊழியம் என்பது என்ன ? இன்று யாரை பார்த்தாலும் நான் ஊழியம் செய்கின்றேன் என்று சொல்லுகின்றார்கள். என்ன ஊழியம் செய்கின்றார்கள்.

ஊழியம் என்றால் ஒரு தியாகம் /அர்ப்பணிப்பு

ஊழியம் செய்யும் பொழுது ஒரு தியாக ஜீவியம் வேண்டும் ஒரு அர்ப்பணிப்பு வேண்டும் , இன்று அநேகரை எடுத்துக்கொண்டால் பேருக்கும் புகழுக்கும் ஊழியம் செய்கின்றார்கள் . அந்த ஊழியம் யாருக்காக செய்கின்றார்கள் , அவர்களுக்காக செய்கின்றார்கள் , தேவனுக்காக செய்யவில்லை . தேவனுக்காக செய்யும் ஊழியத்தில் பொறுமை தாழ்மை , அன்பு , விட்டு கொடுத்தல் இப்படி எல்லாமே இருக்கும் ,

ஊழியம் செய்கின்றேன் என்று சொல்லிக்கொள்கின்றார்கள். அவர்களிடம் சற்று நேரம் அமர்ந்து இருந்து பேசி பார்த்தால் இருதயத்தின் ஆழத்தில் என்ன எல்லாம் இருக்கின்றது என்று தெரியும். வைராக்கியம் , குரோதம் , பகை , வீண் பேச்சு , கேட்ட வார்த்தை , துதித்தலும் சபித்தலும் ஒரு வாயில் வரக்கூடாது என்று வேதம் தெளிவாக சொல்கின்றது , வாய் திறந்தால் வாய் நிறைய கேட்ட வார்த்தை . தேவன் எப்படி இந்த ஊழியங்களை அங்கீகரிப்பார்.

இன்று விபச்சாரம் பண்ணுகிறவனும் ஊழியம் செய்கின்றான் , பாவம் பண்ணுகிறவனும் ஊழியம் செய்கின்றான், (வட்டிக்கு பணம் கொடுத்தல் , மட்டவர்களை ஏமாற்றி தன்னுடைய வாழ்க்கையை மேம்படுத்துதல், மற்றவர்களின் சொத்தில் தன்னுடைய குடும்ப தரத்தை உயர்த்துதல் இது எல்லாமே பாவம் )
கர்த்தருக்காக தன்னுடைய ஜீவனை அர்ப்பணித்து ஒரு சிலர் ஊழியம் பண்ணுகின்றார்கள்.

யாருடைய ஊழியம் அங்கீகரிக்கப்படும் ???

சங்கீதம் 15:2 உத்தமனாய் நடந்து நீதியை நடப்பித்து மனதார சத்தியத்தை பேசுகிறவன் தானே ..... கர்த்தருடைய பர்வதத்தில் தங்குவான் என்று வேதம் தெளிவாக சொல்லுகின்றது ,

ஊழியம் பண்ணுகிற ஒவ்வொருவரும் சிந்திக்க வேண்டும் !!!! ஊர் உலகை ஏமாற்றி திரிபவர்கள் ஊழியம் செய்யலாமா ? 2 மனைவி உடையவன் ஊழியம் செய்யலாமா ?

தன்னுடைய குடும்ப நிலவரத்தை உயர்த்துவதற்காக மற்றவர்களை ஏமாற்றி பணம் வாங்குகின்றவர்கள் ஊழியம் செய்தால் அங்கிகரிக்க படுமா ?

ஊழியம் என்ற பெயரில் கடவுளையும் மனிதர்களையும் ஏமாற்றும் ஒரு கூட்டம் இவ்வுலகில் வலம் வந்து கொண்டு இருக்கின்றது , யாவரும் கவனமாக நிதானித்து நடக்க வேண்டிய காலம் இது ,

ஊழியம் என்ற பெயரில் மற்றவர்களை ஏமாற்றி நீங்கள் பிழைபீர்கள் என்றால் சாபம் உங்கள் சந்ததியை தொடரும் ,
ஆண்டவர் பாவத்துக்கு துணை செல்பவர் அல்ல ..நீ மக்களை ஏமாற்றுவதற்காக ஆண்டவரை துணைக்கு கூப்பிட வேண்டாம் , அவருடைய நாமத்தை வீணில் வழங்க வேண்டாம் .

ஊழியம் செய்ய வேண்டுமானால் சரியான வழியை தெரிவு செய்து ஆண்டவருக்கு மட்டும் ஊழியம் செய் .முதலில் நீ உன் வாழ்க்கையை சரி செய்து கொள்ள முயற்சி செய் .

இரண்டு எஜமானுக்கு எப்படி ஊழியம் செய்ய முடியும் . யேசுவுக்காக உலகத்தை விடு .உலகத்துக்காக ஏசுவை விற்காதே .இயேசு பரிசுத்தமானவர் உன்னுடைய அசுத்தமான வாழ்க்கைக்கு அவரை விலை பேசாதே , அவரை நீ அணுக வேண்டுமானால் பரிசுத்தமாய் மாறு. நீ மாறுவதும் மாறாமல் இருப்பதும் உன் விருப்பம் .தேவனுடைய நாமத்தை கனவீன படுத்த வேண்டாம் . உன் குடும்பம் உன்னை குறித்து சாட்சி சொல்லட்டும் பின்பு ஊழியம் செய்ய புறப்படு .

ஊழியம் பெருமைக்காக செய்வது அல்ல தேவனுடைய இராஜ்ஜியத்துக்காக மக்களை அழைத்து செல்லும் பணி ..நீ சரியான பாதையில் செல்லாமல் மற்றவர்களுக்கு எப்படி சரியான வழி காட்டுவாய் .குருடன் குருடனுக்கு வழி காட்ட முடியுமா ? . முதலில் உன் கண்ணை திறந்து பார் . மற்றவர்களுக்கு வழி காட்ட உனக்கு சரியான பார்வை கிடைக்கும்

நன்றி: தேவனுடைய சத்தம்

சரியான ஊழியம்

சரியான ஊழியம்

Re: சரியான ஊழியம்