ஆண்டவரின் சத்தம் கேக்குதா ?

Fri Jul 06, 2018 4:24 am

அச்சடிச்ச காகிதத்த தேடி ஓடும் கூட்டமே
ஆண்டவரின் சத்தம் கேக்குதா ?
அல்லேலுயா !
அன்னாடம் பணத்தை மட்டும் நாடி அலையும் மனசுல
அப்பாவின் நினைப்பு இருக்குதா ?
அல்லேலுயா !
ஏசு தரும் நிம்மதிய காசு பணம் கொடுக்குதா ?
இதயத்திலே பாரம் வந்தா ஆறுதலும் கிடைக்குதா ?
இன்பமென்று நீ நினைக்கும் காரியங்கள் நிலைக்குதா ?
* * *
வல்லமையின் தேவனை விட்டு வாழுவது சந்தோஷமா ?
வசனத்தை மறந்துவிட்டு
மாயைகளில் உல்லாசமா ?
காரும் உண்டு , வசதி உண்டு
கண்ணீர் துடைக்க விரல்களுண்டா ?
காரிருளில் தவிக்கும் உனக்குக்
கர்த்தரென்னும் வெளிச்சம் உண்டா ?
கண் விழித்து அன்னையைப் போல் காக்கும் நல்ல துணையும் உண்டா ?
* * *
ரத்தம் சிந்தி மீட்டுக் கொண்ட
உத்தமரின் நினைவில்லையா ?
சத்தியத்தைத் தேடுகின்ற தாகம் உன்னில் ஏழவில்லை்யா ?
செல்வங்களை நம்பியவன்
சீக்கிரமாய் விழுந்திடுவான்
சேர்த்து வைக்கும் பொக்கிஷமே
சீரழிக்கும் அறிந்திடுவான் .
காசு பணம் பெருகுகையில்
கள்வர்களைப் பெருக்குகிறான் .
* * *
கஷ்டப்பட்டுத் தேடும் பொருள்
கல்லரைக்குள் வருவதில்லை
கர்த்தருக்குக் கொடுத்ததன்றி
வேறெதுவும் தொடர்வதில்லை .
ஆடையின்றி வந்தாய் முடிவில்
ஆடையின்றித் திரும்பிடுவாய்
ஆஸ்திகளை வேறொருவன்
அனுபவிக்கக் கொடுத்திடுவாய் .
அலைந்தது போதும் அப்பா
ஆண்டவரைத் தேடிடுவாய் .
* * *