முதலைக் கண்ணீர் - ஒரு விளக்கம்

முதலை இரையை விரும்பி உண்ணும்போது கண்ணில் இருந்து நீர் வரும். கண்ணீர் என்பது பொதுவாகத் துன்ப வேளையில் வரும் ஒன்றாகக் கருத, முதலையோ மகிழ்வான தருணத்தில் கண்ணீர் வடிக்கிறது. மனத்தில் மகிழ்வாக இருந்து கொண்டு முதலையைப் போல் கண்ணளவில் நீர் வடித்தல் முதலைக் கண்ணீர் எனப்படுகிறது.

13 ஆம் நுற்றாண்டில் ' முதலைக் கண்ணீர்' என்ற பதம் பாவனையில் இருந்ததற்கு ஒரு புத்தகத்தில் ஆதாரம் இருக்கிறது. பின்னர் 14 ஆம் நுற்றாண்டில் ' Mandeville's Travels' என்ற புத்தகத்தில் முதன் முதலாக தற்போதைய கருத்தை வலியுறுத்தும் வகையில் அறிமுகப் படுத்தப் பட்டுள்ளது.அதற்குப் பின்னர் வந்த ஷேக்ஸ்பியர் தனது படைப்புகளில் போலித்தனமான அழுகைக்கு ' முதலைக் கண்ணீர்' என்று குறிப்பிட்டுள்ளார்.

அண்மையில் கலிபோனியாவில் செய்த ஒரு ஆய்வின்படி முதலைகள் இரையைக் கவ்வ வாயைத் திறக்கும் போது இதன் கண்ணீர் வெளிவருவதை கவனித்துள்ளனர்.