இந்தியாவில் விழுந்த இரண்டு கோதுமை மணிகள்

Sat Jan 31, 2015 2:10 pm

மேற்கு வங்காளம், புத்த மதத்தில் இருந்து இயேசு கிறிஸ்துவை சொந்த தெய்வமாக ஏற்று கொண்ட அழகான குடும்பம். டோம்னிக் (45 வயது) கிறிஸ்டீனா (35 வயது). அழகான இரண்டு பெண் குழந்தைகள்.

குடும்பமாக தேவனை ஆராதித்து வந்த குடும்பத்தில் ஓர் நாள் புயல் வந்தது. இவர்களின் மன மாற்றத்தை விரும்பாத சிலர் தீடீரென்று சுற்றி வளைத்தனர். கடுமையான ஆயுதங்களால் தாக்கினர். கணவன் மனைவியை வெட்டினர். திடீர் தாக்குதலால் நிலைகுலைந்து போன குடும்பம் இந்திய மண்ணில் விதைகளாய் சரிந்தது. கண் முன்னே அப்பாவும் அப்பாவும் மரண ஊழத்தொடு கண்களை மூடுவதை கண்ட 12 வயது பெண் குழந்தைக்கு அழுகை கண்களை பிடுங்கி கொண்டு வந்தது.

பெற்றோரை கட்டி பிடித்து அழுத இவளை இழுத்து கடுமையாக தாக்கினர். தாக்கியதோடு நில்லாமல் அவளின் கண்களை கத்தியால் பிடுங்கினர். மயங்கிய குழந்தை இறந்து விட்டது என்று நினைத்த மனித மத மிருகங்கள் அங்கிருந்து சென்று விட்டனர்.

இந்த நிகழ்வில் இரண்டாவது மகள் இல்லாததால் தப்பித்து விட்டார். முதல் மகள் மரண இறுதியில் இருந்து காபாற்றபட்டார்.

சென்ற வருடத்தில் மட்டும் 5 கிறிஸ்தவர்கள் இந்தியா தேசத்தில் கொலை செய்யப்பட்டனர். 300 க்கும் மேற்பட்ட போதகர்கள், ஊழிய இயக்க தலைவர்கள், சுதேச ஊழியர்கள் தாக்கப்பட்டனர். 2000த்திர்க்கும் மேற்ப்பட்ட கிறிஸ்தவ பெண்கள் மற்றும் குழந்தைகள் தாக்கப்பட்டு உள்ளனர். 60க்கும் மேற்ப்பட்ட சபைகள் இடிக்கப்பட்டன / தீ வைக்கப்பட்டு சிதைக்கப்பட்டது..

சில இடங்களில் இந்து கோவில்கள் கட்டப்பட்டன. மிரட்டப்பட்டு மீண்டும் இந்து மதத்திற்கு அழைத்து செல்லப்பட்ட கிறிஸ்தவர்கள் பல நூறு இருக்கும்.

இது ஆரம்பம் தான். இன்னமும் பல நடக்கும் என கூக்குரல் இட்டு கிறிஸ்தவர்களை குறி பார்த்து தாக்கும் படலம் இந்த வருடமும் மேலோங்கி வருகிறது. ஜெபிப்போம். தேவனின் வருகை சமீபம். இப்படிப்பட்ட கொடுமைகள் கடைசி காலத்தில் நடக்க வேண்டும் என்று வேதாகமம் சொல்கிறது. இப்படிப்பட்ட கொடுமைகள் நடக்கவில்லை என்றால் பரிசுத்த வேதாகமம் பொய் சொன்னதாகி விடும்.

ஆதலால் நடப்பவற்றை முழுமையாய் அறிந்து தேவனை தொழுவோம். அவரை அண்டி கொள்வோம். சாவு எப்போது வரும் என்று நமக்கு தெரியாது. ஆனால் சாவு என் ஆத்துமாவை தொட முடியாது என்று தெரியும்.