மத்திய அரசு அதிகாரி வேலைவாய்ப்புகள்

சில மத்திய அரசு துறைகளில் அறிவிக்கப்பட்டுள்ள அதிகாரி பணியிடங்களுக்கான வேலைவாய்ப்பு அறிவிப்புகளை பார்க்கலாம்.

பள்ளி முதல்வர், உதவி இயக்குனர் பணிகள் : 

மத்திய அரசுப் பணியாளர் தேர்வாணையமான யூ.பி.எஸ்.சி. பல்வேறு துறைகளில் ஏற்பட்டுள்ள அதிகாரி பணியிடங்களுக்கு 68 பேரை தேர்வு செய்ய அறிவிப்பு வெளியிட்டு உள்ளது. புதுச்சேரி பள்ளிக் கல்வி இயக்குனரகத்துக்கு உட்பட்ட பள்ளிகளில் முதல்வர் பணிக்கு 10 பேர், புதுச்சேரி மேல்நிலை மற்றும் தொழில்நுட்ப கல்வி இயக்குனரத்தின் கீழ் செயல்படும் கல்வி மையங்களில் உதவி பேராசிரியர் பணிக்கு 10 பேர், சுரங்கத்துறையில் முதுநிலை சுரங்க நிலஅமைப்பியல் நிபுணர் பணிக்கு 7 பேர், குடும்ப நலத்துறையில் டெபுடி அசிஸ்டன்ட் டைரக்டர் (நான்மெடிக்கல்) பணிக்கு 9 பேர் போன்ற பணியிடங்களும் இதில் அடக்கம்.

பணி சார்ந்த படிப்புகளில் பட்டமேற்படிப்பு படித்தவர்களுக்கு வாய்ப்பு உள்ளது. அந்தந்த பணிக்கான சரியான வயது வரம்பு கல்வித் தகுதி விவரங்களை இணையதளத்தில் பார்க்கலாம். இணையதள விண்ணப்பங்களை சமர்ப்பிக்க கடைசி நாள் 27-8-15-ந் தேதியாகும். இது பற்றிய விரிவான விவரங்களை www.upsconline.nic.in  என்ற இணையதளத்தில் பார்த்துவிட்டு விண்ணப்பிக்கலாம்.

ஐ.ஐ.டி.யில் பேராசிரியர் பணி : 

டெல்லி ஐ.ஐ.டி. கல்வி மையத்தில் பேராசிரியர், இணை பேராசிரியர், உதவி பேராசிரியர் பணியிடங்களை நிரப்ப அறிவிப்பு வெளியாகி உள்ளது. அப்ளைடு மெக்கானிக்ஸ், பயோகெமிக்கல் என்ஜினீயரிங், பயோ டெக்னாலஜி, கெமிக்கல் என்ஜினீயரிங், கெமிஸ்ட்ரி, சிவில் என்ஜினீயரிங், கம்ப்யூட்டர் சயின்ஸ் மற்றும் என்ஜினீயரிங், எலக்ட்ரிக்கல் என்ஜினீயரிங், ஹியூமனிட்டிஸ் அன்ட் சோசியல் சயின்ஸ், மேனேஜ்மென்ட் ஸ்டடிஸ், மேத்தமேடிக்ஸ், பிசிக்ஸ், மெக்கானிக்கல் என்ஜினீயரிங், டெக்ஸ்டைல் டெக்னாலஜி போன்ற 11 துறைகளில் இந்த பணியிடங்கள் உள்ளன. இது சார்ந்த படிப்புகளில் பிஎச்.டி. படித்தவர்களுக்கு வாய்ப்பு உள்ளது. 

இது பற்றிய விவரங்களை https://recruit/iitd.ac.in என்ற இணையதளத்தில் பார்த்துவிட்டு விண்ணப்பிக்கலாம். இணையதளம் வழியாக விண்ணப்பிக்க கடைசி நாள் 7-9-15-ந் தேதியாகும்.

பாரத் டைனமிக்ஸ் நிறுவனம் : 

மத்திய பாதுகாப்புத்துறை அமைச்சகத்தின் கீழ் செயல்படும் நிறுவனங்களில் ஒன்று பாரத் டைனமிக்ஸ் லிமிடெட். ஹைதராபாத்தில் செயல்படும் இந்த நிறுவனத்தில் தற்போது டெபுடி ஜெனரல் மேனேஜர், கம்பெனி செகரட்ரி, மேனேஜர் (பிஅண்ட் ஏ, மெக்கானிக்கல்), டெபுடி மேனேஜர் (மெக்கானிக்கல், எலக்ட்ரானிக்ஸ்), மேனேஜ்மென்ட் டிரெயினி உள்ளிட்ட பணியிடங்கள் நிரப்பப்படுகிறது. மொத்தம் 48 பேர் தேர்வு செய்யப்படுகிறார்கள். பி.இ., பி.டெக்., எம்.பி.ஏ. போன்ற படிப்புகளுடன் குறிப்பிட்ட அனுபவம் உள்ளவர்களுக்கு பணி வாய்ப்பு உள்ளது. அந்தந்த பணிக்கான கல்வித்தகுதி, வயது வரம்பு விவரங்களை இணையதளத்தில் பார்க்கலாம். சில பணிகளுக்கு நேர்காணலும், சில பணிகளுக்கு எழுத்து தேர்வுடன், நேர்காணலும் நடத்தப்படுகிறது. விருப்பம் உள்ளவர்கள் இணையதளம் வழியாக விண்ணப்பம் சமர்ப்பிக்கலாம்.

இது பற்றிய விவரங்களை http://bdl.ap.nic.in என்ற இணையதளத்தில் பார்க்கலாம். விண்ணப்பிக்க கடைசி நாள் : 24-8-15

ஆராய்ச்சியாளர் வேலை : 

அணுசக்தி துறையின் கீழ் செயல்படும் 'நேஷனல் இன்ஸ்டிடியூட் ஆப் சயின்ஸ் எஜுகேசன் அன்ட் ரிசர்ச்' மையத்தில் ஆராய்ச்சி அதிகாரி மற்றும் டெக்னீசியன் பணியிடங்களுக்கு ஆட்கள் தேர்வு செய்யப்படுகிறார்கள். மொத்தம் 30 பணியிடங்கள் நிரப்பப்படுகிறது. இது பற்றிய விவரங்களை www.niser.ac.in என்ற இணையதளத்தில் பார்க்கலாம். விண்ணப்பிக்க கடைசி நாள் 28-8-15-ந்தேதியாகும்.