மூலிகை சூப் - சீரக சூப்

சீரகம் ஜீரண மண்டலத்தை வலுப்படுத்த வல்லது. ஜீரண சக்தியை தூண்டக் கூடியது.
தேவை
துவரம் பருப்பு - 1/2 கப்
எலுமிச்சம் சாறு - 1/2 மூடி
மிளகாய் வற்றல் - 2
சீரகம் - 1 டீஸ்பூன்
மிளகு - 1/4 டீஸ்பூன்
நெய் - 1 டீஸ்பூன்
கொத்தமல்லி - சிறிது
செய்முறை
துவரம் பருப்பை நீர்விட்டு நன்கு வேகவைத்து மசிக்க வேண்டும். பிறகு மிளகாய் வற்றலைக் கிள்ளிப் போட்டு அடுப்பில் வைத்துக் கொதிக்க விட வேண்டும். பின்பு சீரகம், மிளகு இரண்டையும் பொன்னிறமாக நெய்யில் வறுத்து பொடி செய்து சூப்பில் போட வேண்டும். நுரை நன்கு பொங்கி வந்ததும் எலுமிச்சம் சாறு சேர்க்க வேண்டும். கடைசியாக கொத்தமல்லி தூவி பரிமாறவும்.