வைக்கோல் பொம்மை

பயப்படாதே சிறுமந்தையே, உங்களுக்கு ராஜ்யத்தைக் கொடுக்க உங்கள்பிதா பிரியமாயிருக்கிறார். லூக்கா 12:32

ஒரு விவசாயி தனது நிலத்தில் பறவைகள் வந்து பயிர்களை அழிக்காமல் இருக்க வைக்கோலால் செய்யப்பட்ட ஒரு மனித உருவத்தை படைத்தது அந்த தோட்டத்தில் நிறுத்தினார். அந்த வைக்கோல் பொம்மையை பார்த்து எல்லா பறவைகளும் பயந்து ஓட இந்த வைக்கோல் பொம்மைக்கு தலைக்கனம்வந்துவிட்டது. விவசாயி தான், அந்த தோட்டத்தின் எஜமான் என்பதை அந்த வைக்கோல் பொம்மை அறிந்திருந்த போதும், நான் தான் அந்த தோட்டத்தை பாதுகாக்கின்றேன் என்று தன்னை அந்த விவசாயிக்கும் மேலாக நினைத்துக் கொண்டது. ஒரு நாள் தோட்டக்காரனின் பிள்ளைகள் அந்த தோட்டத்தில் விளைந்திருப்பதை அறுவடை செய்ய வந்தார்கள். வைக்கோல் பொம்மை அவர்களை வெளியில் போகும்படியாக கத்த ஆரம்பித்துவிட்டது. இதை பார்த்த தோட்டத்தின் எஜமான், இந்த நிலத்தின் அணைத்து ஆசீர்வாதங்களுக்கும் அவர்களுடையதே என்று சொல்லி அந்த வைக்கோல் பொம்மையை தீயினால் சுட்டெரித்துவிட்டார்.

இந்த கதையில் இருப்பதை போன்று தான் தேவன் இந்த பூமியை படைத்து அவரது பிள்ளைகளை பார்த்து *நீங்கள் பலுகிப் பெருகி, பூமியை நிரப்பி, அதைக் கீழ்ப்படுத்தி, சமுத்திரத்தின் மச்சங்களையும் ஆகாயத்துப் பறவைகளையும், பூமியின்மேல் நடமாடுகிற சகல ஜீவஜந்துக்களையும் ஆண்டுகொள்ளுங்கள் என்று சொல்லி, தேவன் அவர்களை ஆசீர்வதித்தார். (ஆதி1:28). பிச்சாசனவன் தந்திரமாக அதை மனிதனிடம் இருந்து பறித்து கொண்டு மனிதனுக்கு அந்த ஆசீர்வாதத்தில் பங்கில்லை என்று சொல்லி மனிதக்கும் தேவனுக்கும் எதிராக செயல்பட்டு வருகிறான். தேவனுடைய பிள்ளைகளாகிய நாம் பிசாசிற்கு பயப்பட தேவையில்லை. அவன் உருவத்தில் பெரியவனாக இருந்தாலும் அவன் வைக்கோல் பொம்மை தான். 

சத்துருவை சுட்டெரிக்கும் வேதமென்னும் அக்கினயையும், ஜெபமென்னும் அக்கிணி ஜுவாலையையும் தேவன் நம்மிடத்தில் கொடுத்திருக்கிறார். *இவைகளுக்குப் பின்பு கர்த்தர் வேறே எழுபதுபேரை நியமித்து, தாம் போகும் சகல பட்டணங்களுக்கும் இடங்களுக்கும் அவர்களைத் தமக்கு முன்னே இரண்டிரண்டு பேராக அனுப்பினார். அப்பொழுது அவர் அவர்களை நோக்கி: அறுப்பு மிகுதி, வேலையாட்களோ கொஞ்சம்; ஆகையால் அறுப்புக்கு எஜமான் (அறுவடையின் எஜமான்) தமது அறுப்புக்கு வேலையாட்களை அனுப்பும்படி அவரை வேண்டிக்கொள்ளுங்கள். புறப்பட்டுப்போங்கள்; ஆட்டுக்குட்டிகளை ஓநாய்களுக்குள்ளே அனுப்புகிறதுபோல, இதோ, நான் உங்களை அனுப்புகிறேன்* (லூக்கா 10 :1-3) என்ற படியாக ஓநாய் போன்ற சத்துருவை அழிக்கும்படியாக ஆட்டுக்குட்டியாகிய நம்மை கர்த்தர் தெரிந்தெடுத்துள்ளார்.

ஒருவேளை உங்கள் சூழ்நிலைகளைப் பார்த்து, நான் எவ்வாறு கர்த்தருக்காக வல்லமையாக செயல்பட முடியும் என்று சிந்திக்கலாம். *பயப்படாதே சிறுமந்தையே, உங்களுக்கு ராஜ்யத்தைக் கொடுக்க உங்கள்பிதா பிரியமாயிருக்கிறார்* என்று இயேசு நமக்கு கொடுத்த வாக்குறுதியை நினைவில் கொள்ளுங்கள். வல்லமையாக செயல்படுங்கள். ராஜ்யத்தை இயேசுவுக்காக சுந்தந்தரியுங்கள்.