யுத்தம் - வேத விளக்கம்

Tue Aug 27, 2013 9:19 pm

அன்பு சகோதரிகளே, யுத்தத்தில் வல்லவரான இயேசு கிறிஸ்துவின்நாமத்தில் வாழ்த்துக்கள். யுத்தம், போர்க்களம் என்றாலேஆண்கள்தானே செல்ல வேண்டும், யுத்ததிற்கும் பெண்களுக்கும் என்னசம்பந்தம் என்று நினைக்கிறீர்களா? ஒவ்வொரு குடும்பத்திலும்பெண்களுக்கு வரும் பிரச்சினைகள், போராட்டங்களை அவர்கள் என் தலையெழுத்து,பெண்ணாக பிறந்ததால் நான் அனுபவிக்க வேண்டிய தலை விதி என்று தங்களைதாங்களே நொந்து கொள்கிறார்கள். இந்த பிரச்சனைகளை உங்கள் தலைவிதியாகஎண்ணாமல் உங்களுக்கு விரோதமான யுத்தமாக எண்ணி போராடினீர்களென்றால்நிச்சயம் உங்களுக்கு வெற்றி கிடைக்கும்.

போர்களத்தில் போராடுபவர்கள் வீராங்கனைகள். கோழைகள் அல்ல. நீங்கள்கோழைகளென்றால் அழுவீர்கள். யுத்த வீராங்கனைகளென்றால் போராடி ஜெயிப்பீர்கள்.சமீபத்தில் ஒரு சகோதரியிடம் பேசிக் கொண்டிருந்தேன். அவர்கள் தங்கள் வாழ்க்கையில்ஏற்பட்ட பலவிதமான பிரச்சனைகளை எண்ணி நொந்து போய், என் வாழ்க்கை தான்இப்படி ஆனது. என் மகளுடைய வாழ்க்கையாவது நல்லபடியாக இருக்கவேண்டும் என்றுஜெபிக்கச் சொன்னார்கள். அவர்களுடைய விருப்பம் நல்லது தான். ஆனால் வேதம்சொல்கிறது. உலகத்தில் உங்களுக்கு உபத்திரவம் உண்டு. உங்களுக்கு ஒருயுத்தமென்றால் உங்கள் மகளுக்கு வேறொரு யுத்தம். அவரவர் அவரவர் யுத்தத்தைபோராடி ஜெயிக்கவே அழைக்கப்பட்டிருக்கிறோம். இன்று நீங்கள் மனம் சோராமல் உங்கள்யுத்தத்தில் ஜெயம் பெறுவீர்களென்றால் நாளை அது உங்கள் பிள்ளையின்வாழ்க்கையிலும் பிரதிபலிக்கும்.

எனவே உங்கள் வாழ்க்கையில் வரும் பிரச்சனைகளை பாடுகள், தலைவிதி என்றுசொல்லாதீர்கள். சொன்னால் சோர்வும் கவலையும்தான் உங்களை மேற்கொள்ளும். என்வாழ்க்கையில் இந்த காரியம் எனக்கு ஒரு யுத்தம், அதில் போராடும் வீராங்கினை நான்.நிச்சயம் வெற்றி பெறுவேன் என்று மனதை எப்போதும் தைரியமாக வைத்திருங்கள்.யுத்தத்தை அனுமதித்த தேவன் அதை ஜெயிக்க திராணியையும் தருவார்.

ஆயுதமில்லாமல் யுத்தம் பண்ண முடியாது. அது போல் ஆவிக்குரியகருவிகளில்லாமல் ஆவிக்குரிய யுத்தம் செய்யவும் முடியாது. உங்களுக்குமூன்றுவிதமான சத்துருவை அழிக்கும் யுத்த ஆயுதங்களை அறிமுகம் செய்கிறேன்.அதைக் கொண்டு யுத்தம் செய்யுங்கள் நிச்சயம் வெற்றி உங்களுக்குத்தான்.

1. முடங்கிய முழங்கால்

மூளை அறிவுகளால் சாதிக்கமுடியாத பல காரியங்களை முழங்கால்கள் சாதிக்கும் என்றுஒரு தேவ மனிதன் சொல்கிறார். ஆம் சகோதரிகளே, இது 100 சதவீதம் உண்மை என்பதைஎன் வாழ்க்கையில் ருசித்திருக்கிறேன். நான் இரட்சிக்கப்பட்ட ஆரம்பத்தில் எனக்குஅதிகமாக முழங்காலில் நின்று ஜெபிக்கும் பழக்கம் இல்லை. 5 நிமிடம் முழங்காலில்நின்றாலே மிகவும் வலிக்கும். உடனே நான் உட்கார்ந்து விடுவேன். ஒரு நாள் என்அம்மாவிற்கு திடீரென்று பயங்கர வயிற்று வலி வந்தது. மருத்துவரிடம் சென்ற போதுஉங்கள் கர்ப்பப் பையில் பெரிய கட்டி இருக்கிறது என்றும், சில காரணங்களால் அதைஆப்ரேசன் செய்வதும் மிகவும் கடினம் என்றும் சொல்லிவிட்டார்கள். நிறையடாக்டர்களிடம் சென்றோம் எல்லோரும் கைவிரித்து விட்டார்கள்.

மிகவும் கலங்கிய நிலையில் எங்கள் குடும்பம் காணப்பட்டது. அன்று என்றும் முடங்காதஎன் முழங்கால் முடங்கியது. அறைக்குள் சென்று 1 மணி நேரம் நேர் முழங்காலில் நின்றுஜெபித்தேன். வாழ்க்கையிலேயே முதல் முறையாக 1 மணி நேரம் முழங்காலில் நின்றுஜெபித்திருக்கின்றேன். ஜெபித்து முடிக்கும் போது என் முழங்காலிலும் குறுக்கிலும்இருந்த வலி எனக்கு மட்டும் தான் தெரியும். ஆனால் நடந்தது என்ன? என் முழங்கால்ஜெபம் அற்புதத்தை தேவனிடம் பெற்றுத் தந்தது. அன்று மாலையே கர்த்தர் ஆப்ரேசன்பண்ண ஒரு டாக்டரை காண்பித்தார். எந்த ஒரு சிக்கலுமின்றி ரொம்ப எளிதாக அந்தஆப்ரேசன் நடந்து முடிந்தது. நல்ல சுகமடைந்து சீக்கிரத்தில் வீடு திரும்பினார்கள். இப்போசொல்லுங்கள் மூளை அறிவு சாதிக்குமா? முழங்கால் சாதிக்குமா?

முழங்கால் போடுவதில் ஒவ்வொருவருக்கும் ஒவ்வொரு பழக்கம் இருக்கும். சிலர்சபையில் மட்டும் முழங்கால் போடுவார்கள், சிலர் வீட்டில் மட்டும் முழங்கால்போடுவார்கள். சிலர் உட்கார்ந்தால் தான் அதிக நேரம் ஜெபிக்கமுடியும் என்றுசொல்வார்கள். சிலர் அரை முழங்கால், கால் முழங்கால், முக்கால் முழங்கால் என்று மாறிமாறி ஜெபிப்பார்கள். நான் உங்களுக்கு ஒரு இரகசியத்தை சொல்லட்டும் நீங்கள்முழங்காலில் நிற்பதற்கு உங்கள் முழங்காலை விட உங்கள் மனதிற்கு தான் அதிக பலம்வேண்டும். ஜெபிக்கச் செல்லும் போது நீங்கள் உங்கள் சிந்தையில் இரண்டு காரியத்தைகொண்டு வந்தால் உங்கள் முழங்கால் மணிக்கணக்காக முடங்கும். 1. தேவனின் கல்வாரிஅன்பு, 2. நீங்கள் சாதிக்க விரும்பும் பிரச்சினை. இவை இரண்டும் இருந்தால் உங்கள்மனதில் உட்கார்ந்து ஜெபிக்கலாம் என்ற எண்ணம் இருக்கவே இருக்காது.

மாற்கு 1:40 அப்பொழுது குஷ்டரோகி ஒருவன் அவரிடத்தில் வந்து, அவர் முன்பாகமுழங்கால்படியிட்டு: உமக்குச் சித்தமானால் என்னை சுத்தமாக்க உம்மால் ஆகும் என்றுவேண்டிக் கொண்டான். இயேசு மனதுருகி, கையை நீட்டி, அவனைத் தொட்டு: எனக்குசித்தமுண்டு, சுத்தமாகு என்றார்.

அந்த குஷ்டரோகியை பாருங்கள். தன் வலியிலும் வேதனையிலும் முழங்கால்படியிட்டுதேவனின் மனதுருக்கத்தை பெற்றுக் கொண்டான். முழங்காலின் போது உங்களுடைய 1.தியாகம், 2. தவிப்பு, 3. தாழ்மை மூன்றும் தேவனை அசைத்து மனதுருகச் செய்து உங்கள்வாழ்க்கையில் ஜெயத்தை கொடுக்கும்.

உங்களுக்கு முழங்காலில் பெலவீனம் என்றால் பரவாயில்லை. பேட்ரிக் ஜாஷ்வா என்றதேவமனிதன் தனது 82ம் வயதில் இன்றும் மூன்று, நான்கு மணிநேரங்கள் தொடர்ந்துமுழங்காலில் நின்று ஜெபிக்கிறார் என்று பாஸ்டர் எல். ஜோசப் கூறியது நினைவுக்குவருகின்றது. 82 வயது மனிதருக்கு இல்லாத பெலவீனமா நமக்கு இருக்கப்போகிறது.எல்லாமே பழக்கம் தான். முழங்கால் பழக்கத்தை பழகுவோம். யுத்தத்தில் வெற்றிசிறப்போம்.

2. விசுவாசப் பார்வை:

எபிரெயர் 11:1; விசுவாசமானது நம்பப்படுகிறவைகளின் உறுதியும்காணப்படாதவைகளின் நிச்சயமுமாயிருக்கிறது. கண்பார்வை இழந்த குருடர்கள் நிச்சயம்போர்க்களத்தில் யுத்தம் செய்ய முடியாது. அது போல உங்கள் வாழ்க்கை என்னும்போர்க்களத்தில் விசுவாசப் பார்வை இல்லாமல் நிச்சயம் யுத்தம் செய்யவே முடியாது.ஒரு வாலிப சகோதரிக்கு உடல் நிலை சரியில்லாமல் டாக்டர்கள் கைவிட்ட நிலையில்அந்த சகோதரியின் தாயார் என் கணவரை ஜெபிக்க அழைத்திருந்தார்கள். அந்த சகோதரிபெலவீனத்தால் அகோரமாய் தோற்றமளித்தார்களாம். பாஸ்டர் ஜெபிப்பதற்கு முன்பாகஅந்த சகோதரியின் தாயாரிடம் படுத்த படுக்கையாயிருக்கும் உங்கள் மகள் வளர்ந்து,நன்கு படித்து திருமண வயதை எட்டிய வாலிப மகளாக உங்கள் விசுவாசப்பார்வையில்பார்த்து இயேசுவுக்கு நன்றி சொல்லுங்கள் என்று சொன்னார்களாம். என்ன ஆச்சர்யம்,அடுத்த சில வாரங்களில் அந்த வாலிப சகோதரி நன்றாக சுகமாகி எழுந்து நடந்து சபைக்குவந்து விட்டார்கள்.

உன் விசுவாசத்தின் படியே உனக்கு ஆகக்கடவது என்ற வசனத்தின் படி விசுவாசப்பார்வை உள்ளவர்கள் அதனை சுதந்தரித்துக் கொள்வார்கள். விசுவாசப் பார்வைஇல்லையென்றால் விசுவாச ஜெபமும் வராது. ஜெபம் இல்லையேல் ஜெயமில்லை.உங்கள் வாழ்க்கையில் சத்துரு கொண்டு வரும் பிரச்சனைகளை விசுவாச பார்வையில்பாருங்கள். 50 சதவீதம் நீங்கள் ஜெயமெடுத்து விட்டீர்கள்.

இன்று இந்த விசுவாச பார்வையில்லாமல் அநேக பெண்கள் குருடர்களாய் வாழ்ந்துகொண்டிருக்கின்றனர். பொதுவாக குருடர்கள் ஒரு இடத்தை கண்டுபிடிக்கவேண்டியிருந்தால் தானாய் அதை பார்க்கமுடியாததால் மற்றவர்களுடைய உதவியைநாடுவார்கள். வழி தெரிந்தவர்கள் சரியான வழியை காட்டுவார்கள். வழி தெரியாதவர்கள்நம்மை தவறான வழியைகாட்டி குழப்பி விடுவார்கள். உங்கள் பிரச்சினையை பக்கத்துவீட்டு அக்காவிடமும் மாடிவீட்டு அக்காவிடமும் பேசினால், பிரச்சினை 10 மடங்குஅதிகமாகுமே தவிர ஒரு நாளும் தீராது. ஜெபத்துடன் விசுவாசப் பார்வையில் பாருங்கள்.நினைப்பதற்கும் வேண்டிக் கொள்வதற்கும் அதிகமாய் கிரியை செய்கிற கர்த்தர் நிச்சயம்யுத்தத்தில் வெற்றியைத்தருவார். உங்கள் கனவை நனவாக்குவார்.

3. துதிக்கும் இருதயம்:

துதி எடுத்தால் சாத்தான் ஓடுவான். முறுமுறுத்தால் திரும்பி வருவான். என்று தந்தைபெர்கமான்ஸ் மிகவும் அழகாக பாடியுள்ளார்கள். சாத்தான் விரும்பி வாசம் பண்ணும்இடம் முறுமுறுக்கும்ம இருதயம். இந்த முறுமுறுத்தல் புலம்பலாக மாறும். புலம்பல்கண்ணீராகும். இந்த கண்ணீர் தான் அநேக பெண்களின் கண்களில் வடிந்துகொண்டிருக்கிறது. தேவ சமுகத்தை தவிர மற்ற எந்த இடத்திலெல்லாம் நீங்கள் கண்ணீர்வடிக்கிறீர்களோ, அது சாத்தானுக்கு கொடுக்கும் பரிசு, வெற்றி. பவுலும் சீலாவும்சிறைச்சாலையில் துதித்தார்கள். அப் 16:25,26; அவர்கள் சரீரத்தில் இருந்த வேதனைநெருக்கம் எதையும் சிந்திக்காமல் அவர்கள் கர்த்தரை மாத்திரம் சிந்தித்தபடியினால்அவர்களுக்கு துதி வந்தது. துதி வந்தபின் என்ன வந்தது? பூமியதிர்ச்சி வந்தது, உடனேகட்டுகள் உடைந்தன. விடுதலை பெற்றார்கள்.

உங்கள் கட்டுகளை உடைக்க துதிக்க ஆரம்;பியுங்கள். இஸ்ரவேலரைப் போல்முறுமுறுத்தால் கர்த்தரிடமிருந்து இரக்கத்திற்கு பதிலாக கோபத்தையே பெற்றுக் கொள்ளநேரிடும். குழப்பத்தின் நேரத்தில் பாட்டு புத்தகத்தை எடுத்து 10 பாடல்களை விடாமல்பாடுங்கள். எரிகோ கோட்டைகள் தானாய் விழும். எந்த ஒரு முயற்சியும் தேவையில்லை.

மூன்று ஆயுதங்களை பார்த்துவிட்டோம். மூன்றையும் கையில் எடுத்து யுத்தம் பண்ணஆரம்பியுங்கள். இதில் எந்த ஒன்றை விட்டாலும் அந்த வழியாய் எதிரி நம்மை தாக்கவருவான். மூன்றையும் சேர்த்து யுத்தம் பண்ணினால் பிசாசை இவை சாக வைக்கும்உங்களை வாழ வைக்கும். எந்த பிரச்சினையும் உங்களை வீழ்த்த வரவில்லை. உங்களைஉயர்த்த வந்திருக்கிறது என்று எண்ணி அதனோடு யுத்தம் பண்ணுங்கள். உயர்வைகாணுங்கள். சமாதானத்துடன் வாழுங்கள். கர்த்தர் உங்களை ஆசீர்வதிப்பார்.

நன்றி: ஜீசஸ் லவ்ஸ் இண்டியா