எதற்கும் முன் யோசனை வேண்டும்

Tue Aug 13, 2013 9:58 pm

ஒரு விவசாயிக்கு நரி மேல் கோபம். அவன் கோழிகளை அடிக்கடி பிடித்து எலும்பைக்கூட விட்டு வைக்காமல் தின்றுவிடுகிறது என்று கோபம்.

இதற்கு முடிவு கட்டியே ஆக வேண்டும் என்று ஒருமுறை அதற்காக இரவில் பதுங்கிக் காத்திருந்தான். நரி வந்தபோது அதன்மேல் சாக்கு போர்த்தி லபக்கென்று பிடித்துவிட்டான்.

பிடித்து என்ன தண்டனை கொடுக்கலாம் என்று யோசித்தான்.

அதன் வாலில் மண்ணெண்ணையில் நனைத்த துணியைச்

சுற்றிப் பற்ற வைத்துவிட்டான்.

“என் கோழிகளைத் தினறாய் அல்லவா? ஒழிந்து போ!” என்று அதைத் துரத்திவிட்டான்.

நரி தன்னையறியாமல் விவசாயின் வயலுக்குள்ளேயே நுழைந்தது.

பயிர் முதிர்ந்து ஒரு பக்கம் நெற்குவியல், மறு பக்கம் வைக்கோல் போட்டு முதிர்ந்த கதிர்கலைக் களையறுக்க காத்திருந்த நேரம் அது.

நரியின் இந்த செயலால் ஏக்கர் முழுக்க தீ பரவி தானியமெல்லாம் கருகிச் சாம்பலானது.

விவசாயிக்கு நரியைப் பழிவாங்கியதில் நஷ்டம்தான் பன்மடங்கு..

நீதி :

எதற்கும் முன் யோசனை வேண்டும்.

முன் யோசனை இன்றி திட்டம் இடும் எந்த செயலும் தோல்வியில்தான் முடியும்.

பிறரைப் பழி வாங்கும்போது முதலில் தனக்குத் துன்பம்

வராமல் கவனித்துக்கொள்ள வேண்டும்.

நன்றி: முகநூல்