அண்ணா பல்கலையில் என்.ஆர்.ஐ., அட்மிஷன் !

வெளிநாட்டினருக்கான இன்ஜினியரிங் கவுன்சிலிங் தேதியை, அண்ணா பல்கலை அறிவித்துள்ளது.

 வெளிநாட்டில் பணியாற்றும் இந்தியர்களின் பிள்ளைகள், வெளிநாடு வாழ் இந்தியர் எனப்படும், என்.ஆர்.ஐ.,களின் பிள்ளைகள் மற்றும் வெளிநாட்டு மாணவர்களுக்கான இன்ஜினியரிங் படிப்புக்கான மாணவர் சேர்க்கை கவுன்சிலிங்கை, அண்ணா பல்கலை அறிவித்து உள்ளது.

அதன்படி, பி.இ., - பி.டெக்., படிப்புகளுக்கான விண்ணப்பங்களை, ஜூன், 15 மாலை, 5:00 மணிக்குள் அனுப்ப வேண்டும். 

இதில், வெளிநாட்டினருக்கு ஜூலை, 13; வெளிநாட்டில் பணியாற்றும் இந்தியர்களின் பிள்ளைகள், என்.ஆர்.ஐ., பிள்ளைகளுக்கு, ஜூலை, 14ல் கவுன்சிலிங் நடக்கும். 

எம்.இ., - எம்.டெக்., - எம்.ஆர்க்., - எம்.பி.ஏ., - எம்.சி.ஏ., மற்றும் எம்.எஸ்சி., இரண்டு ஆண்டு படிப்புக்கான கவுன்சிலிங், ஆகஸ்ட், 10ல் நடக்கும்.

  இதேபோல், எம்.எஸ்சி., ஐந்து ஆண்டு ஒருங்கிணைந்த படிப்புக்கான கவுன்சிலிங், ஜூலை, 13ல் நடக்கும். இவ்வாறு, அண்ணா பல்கலை அறிவித்துள்ளது.