பலவித ஐட்டங்கள்

Fri May 13, 2016 10:45 pm

கேரட், பாதாம் மில்க் ஷேக்

தேவையானவை:
காய்ச்சிய பால் - 200 மில்லி
கேரட் - ஒன்று (பெரியது)
சர்க்கரை - 6 டீஸ்பூன்
பாதாம் - 3
பாதாம் எசன்ஸ் - சில துளிகள்
சாரப் பருப்பு - ஒரு டீஸ்பூன்

செய்முறை:

கேரட்டை தோல் நீக்கி வேக வைத்து அரைத்துக் கொள்ளவும். பாதாமை ஊற வைத்து தோலெடுத்து, அரைத்துக் கொள்ளவும். பாலுடன் கேரட், பாதாம் விழுது சேர்த்து அடுப்பில் வைத்து, கேரட் மற்றும் பாதாம் வெந்ததும் ஆற விடவும். ஆறியதில் சர்க்கரை எசன்ஸ் சேர்த்துக் கலந்து ஃப்ரிட்ஜில் வைத்தெடுக்கவும். பிறகு சர்விங் கிளாஸில் ஊற்றி சாரப் பருப்பு தூவிப் பரிமாறவும்.

Fri May 13, 2016 10:46 pm

பலவித ஐட்டங்கள் 13174176_518439031678089_3050070746974020353_n

வெல்லம் ஸ்லைஸ்

தேவையானவை:

புழுங்கலரிசி - 1 கப்
வெல்லம் - முக்கால் கப்
தேங்காய்த்துருவல் - அரை கப்
நெய் - தே.அளவு

செய்முறை:

வெல்லத்தை 1 கப் தண்ணீரில் ஊற வைத்து மண்ணில்லாமல் கரைத்து வைத்துக் கொள்ளவும். புழுங்கலரிசியை 4 மணி நேரம் ஊற வைக்கவும். ஊறிய அரிசியை மிக்ஸியில் சேர்த்து வடிகட்டிய வெல்லத்தண்ணீரை சிறிது சிறிதாக விட்டு அரிசியை நைஸாக அரைக்கவும்.

கடைசியில் துருவிய தேங்காய் சேர்த்து ஒரு சுழற்று சுழற்றி அரைத்து நெய் தடவிய தட்டிலோ அல்லது கிண்ணத்திலோ எடுத்து வைக்கவும். எலக்ட்ரிக் ரைஸ் குக்கர் பேனில் ஒன்னரை கப் தண்ணீர் ஊற்றி மாவு கிண்ணத்தை வைத்து வேக வைக்கவும்.

குக்கர் கீப் வார்ம் மோடுக்கு வந்ததும் வெளியே எடுத்து ஆறியதும் சிறிய துண்டுகளாக்கிப் பரிமாறவும்.