பண்புள்ளோரைப் பாரீர்!!

Thu Jul 16, 2015 9:27 pm

பண்புள்ளோரைப் பாரீர்!!
-----------------------
பகட்டான ஊழியங்களுக்கு
பல்லக்கு தூக்கும் பக்தர்கள்
பேர்பெற்ற ஊழியர்களையே
பின்தொடரும் ஜனங்களும்
பணமுடையோரையே மதிக்கும்
பண்பிழந்த கண்காணா குருடர்கள்
பாரெல்லாம் காட்சியளிக்கும்
பகல்வேஷ காலம் இது
பார்க்கலாம் பிறகென்றால்
பார்க்கும் பார்வையையும்
பாராமல் இழக்கச் செய்யும்
பிசாசின் மாயைதான் எங்கும்
பரதேசிகள் போல் வாழ்ந்து
பரமனை பறைசாற்றும் ஊழியர்கள்
பாராமுகமாய் நடத்தப்படும் கோலம்
பாடுகள் சுமந்துத்திரியும் அவலம்
பாவிகளை மனம் திருப்புவதற்கு
பட்டினி பசியை பாராமல்
பாடுகளைச் சுமந்து பரிதபிக்கும்
பாருக்காய் தன்னை பலியாக்கும்
படைத்தவரையே பின்பற்றும
பிழையற்றவிதமாய் பின்பற்றும்
புறமுதுகு காட்டாமல் பின்பற்றும
பண்புள்ளோரைப் பாரீர்!!
ஆமென்!அல்லேலூயா!!