நாணய அச்சகத்தில் வேலை

'பாரதிய ரிசர்வ் பேங்க் நோட் முத்ரன் பிரைவேட் லிமிடெட்' நிறுவனம் இந்திய நாணயம் - ரூபாய் அச்சடிக்கும் நிறுவனங்களில் ஒன்று. ரிசர்வ் வங்கியின் கட்டுப்பாட்டில் செயல்படும் இந்த நிறுவனம் கர்நாடக மாநிலம் மைசூரில் செயல்பட்டு வருகிறது. தற்போது இந்த நிறுவனத்தில் இண்டர்ஸ்ட்ரியல் ஒர்க்மேன் கிரேடு-1 (டிரெயினி) பணிக்கு ஆட்கள் தேர்வு செய்யப்படுகிறார்கள். மொத்தம் 90 பணியிடங்கள் உள்ளன.

பிரிண்டிங், மெக்கானிக்கல் என்ஜினீயரிங், டூல் அண்ட் டை, எலக்ட்ரிக்கல், எலக்ட்ரானிக்ஸ், இன்ஸ்ட்ருமென்டேசன், கெமிக்கல் போன்ற என்ஜினீயரிங் பிரிவுகளில் டிப்ளமோ படிப்பை 55 சதவீத மதிப்பெண்களுடன் நிறைவு செய்தவர்கள் விண்ணப்பிக்கலாம். எஸ்.சி., எஸ்.டி. பிரிவினருக்கு மதிப்பெண் சதவீதத்தில் விலக்கு அளிக்கப்படுகிறது. 

இவர்கள் 1-4-15 தேதியில் 28 வயதுக்கு உட்பட்டவர்களாக இருக்க வேண்டும். வயது வரம்பு தளர்வு அனுமதிக்கப்படும். 

இணையதள தேர்வு மற்றும் நேர்காணல் அடிப்படையில் தகுதியானவர்கள் தேர்வு செய்யப்படுவார்கள். விருப்பம் உள்ளவர்கள் ரூ.200 கட்டணம் செலுத்தி விண்ணப்பிக்க வேண்டும். இணையதளம் வழியாக விண்ணப்பங்களை சமர்ப்பிக்கலாம். 6-5-15-ந் தேதி விண்ணப்பிக்க கடைசி நாளாகும். இது பற்றிய விரிவான விவரங்களை www.brbnmpl.co.inஎன்ற இணையதள முகவரியில் பார்க்கலாம்.