சாதாரண குடிமகனின் ஆதங்கங்கள்

OPERATION TAMILNADU ! 

இத்தனை ஆண்டுகள் பெரியார் திடலில் அமைதியாக நடைபெற்ற நிகழ்ச்சிகள் இப்போது கலவரமாக மாற்றப்படுவதற்கு என்ன காரணம் ?

எங்கள் கடல் எல்லையில் மீன் பிடித்தால் தமிழர்களை சுடுவோம் ! என்று பலமுறை இலங்கை பிரதமர் சொல்ல என்னக்காரணம் ?

திராவிடர் தமிழர் பிரச்சனை பெரிதாக்கப்படுவதற்கு என்ன காரணம் ?

மேகதாது அணை பிரச்சனை வேகமெடுக்க என்ன காரணம் ?

தொடர்ந்து தந்தி தொலைக்காட்சி தமிழர்களுக்கு எதிராக செயல்படும் பின்னணியில் இருப்பது யார் ?

20 தமிழர்கள் சுடப்பட்டதின் பின்னணி என்ன ?

இப்படி தமிழகம் திட்டமிட்டு கலவர மண்ணாக மாற எது காரணம் ?

தமிழகத்தின் ஆளும் கட்சி மத்திய அரசால் மிரட்டப்பட்டு வருகிறதா ? ஏன் இதுபற்றி ஊடகங்கள் எழுத மறுக்கின்றன ?

சட்டமன்றத் தேர்தல் நெருங்கும் நேரத்தில் பெரியார் குறி வைக்கப்படும் காரணம் என்ன ?

தமிழகத்தின் ஒட்டு மொத்த இயக்கங்களின் பிதா மகனாக ஏற்றுக்கொள்ளப்பட்ட பெரியாரும் திடலும் வெளிப்படையாக குறி வைக்கப்பட்டுள்ள நிலையில் , ஏன் மற்ற அமைப்புகள் தலைவர்கள் அமைதி காக்கின்றனர் ?

அதற்குக் காரணம் தாலியா ? அரசியல் வேலியா ?

தமிழகத்தில் 1967 இல் நிகழ்த்தப்பட்ட அரசியல் மாற்றத்திற்கு முடிவுரை எழுத தொடங்கப்பட்டுவிட்டது !

வெகுண்டெழ வேண்டிய தி.மு.க ஐ.பி.எல் மேட்ச் பார்க்கும் சிறுவர்களை போல் இருக்க என்ன காரணம் ?

வைகோ ஏன் அமைதி காக்கிறார் ?

இவை அனைத்தும் தலைவர்களுக்கு தெரியும் !

இந்தியாவை தன் ஆக்டபஸ் வலையில் சிக்க வைத்திருக்கும் பா.ஜ.க தமிழகத்தையும் தனக்குள் இழுத்துக்கொள்ள துடியாய் துடிக்கிறது ! அதன் முதல் அடி ஜெயலலிதா கைது !

இருபெரும் திராவிட இயக்கங்கள் தங்களை வளப்படுத்திக்கொண்ட அளவிற்கு தமிழகத்தை வளப்படுத்தவில்லை ! தமிழகம் டாஸ்மாக்கில் மிதந்துக்கொண்டிருக்கிறது என்பதில் இருவேறு கருத்தில்லை ! 

பா.ஜ.க ஒரு திராவிட இயக்கத்தை பணிய வைத்து தமிழகத்தில் ஆட்சி மாற்றத்தை நிகழ்த்திவிட்டால் ...அதன் பிறகு திராவிட இயக்கங்களும் தமிழ்த்தேசிய இயக்கங்களும் இடது சாரிகளும் ஒன்றிணைந்தாலும் ஒன்றும் செய்ய இயலாது ! 

பா.ஜ.க ஆர்.எஸ்.எஸ் சொல்லும் கடவுள் கலாச்சாரம் என்பது இந்து மதக் கோட்பாடு ! தமிழகத்தில் திராவிட இயக்கம் தொடங்கப்படுவதற்கு முன்பே நாம் கடைபிடித்த கடவுள் கலாச்சார கோட்பாடுகள் வேறு ! 

இதையெல்லாம் திராவிட இயக்கங்களும் தமிழ்த்தேசிய இயக்கங்களும் பேசித் தீர்த்துக்கொள்ள வேண்டிய விஷயங்கள் ! 

பா.ஜ.க வின் முதல் இலக்கு திராவிடம் ! அந்த அரணை உடைத்துவிட்டால் அது தமிழ்தேசியத்தை மிக எளிதாக வீழ்த்திவிடும் ! திராவிட இயக்கங்களுக்கான அமைப்பு பலம் தமிழ் தேசியத்திற்கு இல்லை ! தமிழ்த்தேசிய ஆதரவாளனான நான் இதை எழுத தயங்கவில்லை !

என் நோக்கம் தி.மு.க அ.தி.மு.க கட்சிகளை ஆதரிப்பது இல்லை ! ஓட்டு அரசியலை தாண்டி இந்தியாவில் எந்த மாநிலத்திலும் இல்லாத சுயமரியாதை சுடர் தமிழகத்தில் மட்டுமே எரிந்துக்கொண்டு இருக்கிறது !

திராவிட இயக்கங்கள் , தமிழ்த் தேசியங்கள் , இடது சாரி அமைப்புகள் ஓரணியில் இணைய வேண்டிய தருணம் கிட்டத்தட்ட கடந்த விட்டது !

இங்கே தனிநபர் கிளை மீது வீசப்படும் காழ்ப்புணர்ச்சி திராவகம் வேர்மீது விழுந்து வழிவதை அலமர நிழலிலும் கிளையிலும் அமர்ந்திருக்கும் பறவைகள் அறிந்ததா என்றே தெரியவில்லை !!

தி.மு.க அ.தி.மு.க பிளவை காங்கிரஸ் செய்தது போல் இப்போது தமிழ்த்தேசிய திராவிட பிளவை பா.ஜ.க கலாச்சார போர்வையில் செய்கிறது !

என்ன செய்யப்போகிறோம் தமிழர்களே ? திராவிடர்களே ? இடதுசாரிகளே ? சிறுத்தைகளே ? முப்பாட்டன் முருக பக்தர்களே ? பாட்டாளிகளே ? முஸ்லிம் கிறித்துவ தோழர்களே ? 

இந்தக் கருத்தில் உடன்பாடு உள்ள தோழர்கள் இச்செய்தியை பகிருங்கள் ! 
மக்கள் மத்தியில் மத்திய அரசின் சூழ்ச்சி நாடகம் அம்பலமாகட்டும் தோழர்களே !


நன்றி: தாகம் செங்குட்டுவன்

உங்களுக்கு தெரியாத சட்டம் ஒன்றும் இல்லை நீங்களே இதற்க்கு தகுந்த தீர்ப்பை சொல்லுங்கள் யூவரானர்...


சரன் ஆகாஷ் மதுக்கடைகளை திறந்துவிடுவது எதுக்கு சமம் கணம் கோர்ட்டார் அவர்களே ?