ஏமாற்றுபவன் நிறைய காரணங்கள் வைத்திருப்பான்...!

Sun Jun 01, 2014 10:22 pm

குருஜியின் நீதிக்கதைகள்...
அரசியல்வாதி ஒருவர் அதிக வருமானத்திற்கு என்ன செய்வது யோசித்து தன் உதவியாளரை அழைத்தார்.. "இதோ பார் நீ என்ன செய்வாயோ எனக்கு தெரியாது லஞ்சம் ஊழல் செய்து மாட்டிக்கொள்ளாமல் எனக்கு வருமானம் வர வேண்டும்" என்றார்..!
அதற்கு அந்த P.A அப்படி செய்தால் எனக்கு என்ன தருவீர்கள் தலைவரே..! எனக்கேட்டார்.. அரசியல்வாதியும் அப்படி வருமானம் வந்தால் அதில் கால் பங்கு உனக்கு என்றார்.. உதவியாளர் மகிழ்ச்சியுடன் ஒப்புக் கொண்டார்..அந்த உதவியாளர் ஐடியா என்னவென்றால்..
ஏதாவது ஒரு நிவாரண நிதி என்று பெயரிட்டு மக்களிடையே பணம் வசூலித்தால் ஊழல் பிரச்சினைகள் வராது...பொதுப்பணம் என்பதால் வரி விலக்கும் கிடைக்கும் என 2 மாங்காய் அடிக்கும் யோசனையை செயல்படுத்தினார்..புயல்,வெள்ளம்,பூகம்ப நிவாரணம்...
என விதவிதமாக பெயர் வைத்து பொது மக்களிடையே வசூலிக்க ஆரம்பித்தார்.. அரசியல்வாதியின் P.A. என்பதால் யாரும் இல்லை எனச் சொல்லாது நிதியளித்தார்கள்.. அது 10 ஆயிரமாக இருந்தாலும் 10 ரூபாயாக இருந்தாலும் வாங்கிக் கொண்டார்..!
குவிந்த பணத்தை அரசியல்வாதியிடம் கொடுத்தார் P.A. ஆவலுடன் அதை எண்ணிப்பார்த்த அரசியல்வாதி எல்லாவற்றையும் தன் பீரோவில் வைத்து பூட்டினார்..பதறிப்போன P.A. தலைவரே என் கால் பங்கு எங்கே மறந்துட்டிங்களா..? என்றார்..!
அரசியல்வாதி அலுப்புடன் சொன்னார் "நான் என்னப்பா செய்ய உனக்கு கால் பங்கு கொடுக்கலாம்ன்னு தான் நினைச்சேன் ஆனா நீ கொண்டு வந்த வசூலை எண்ணிப் பார்த்ததில் மக்களே கால்பங்கு கழிச்சுதானே கொடுத்து இருக்காங்க.இந்தப் பணம் நான் எதிர்பார்த்ததுக்கு முக்கால் தான் என்றார்..!
நீதி : ஏமாற்றுபவன் நிறைய காரணங்கள் வைத்திருப்பான்...!

நன்றி: இன்று முதல் தகவல்