ஜவ்வரிசி பாயாசம்
Sat Dec 12, 2015 3:08 pm
ஜவ்வரிசி பாயாசம்
மதிய வேளையில் வடை பாயாசத்துடன் சமைக்கும் போது, அப்போது சேமியா பாயசம் செய்வதற்கு பதிலாக, ஜவ்வரிசி கொண்டு பாயாசம் செய்தால், அது வித்தியாசமானதாக இருப்பதோடு, உடலுக்கு ஆரோக்கியமானதாகவும் இருக்கும். ஏனெனில் ஜவ்வரிசியில் ஊட்டச்சத்துக்கள் நிறைய நிறைந்துள்ளது. ஆகவே இந்த முறை ஜவ்வரிசி பாயாசம் செய்து மகிழுங்கள். இப்போது அந்த ஜவ்வரிசி பாயாசத்தை எப்படிசெய்வதென்று பார்ப்போம்.
தேவையான பொருட்கள்:
ஜவ்வரிசி - 1/3 கப்
சர்க்கரை - 1/4 கப்
பால் - 5 கப்
முந்திரி - 6-8 (நறுக்கியது)
பாதாம் - 5
குங்குமப்பூ - சிறிது
ஏலக்காய் பொடி - 1/4 டீஸ்பூன்
நெய் - 1
டீஸ்பூன்
செய்முறை:
முதலில் ஜவ்வரிசியை நீரில் போட்டு, நன்கு பெரியதாகும் வரை, குறைந்தது 1-2 மணிநேரம் ஊற வைத்துக் கொள்ள வேண்டும்.
பின்னர் ஒரு வாணலியை அடுப்பில் வைத்து, அதில் நெய் ஊற்றி, முந்திரி, பாதாம் போட்டு வறுத்து தனியாக வைத்துக் கொள்ள வேண்டும்.
குங்குமப்பூவை 1 டேபிள் ஸ்பூன் பாலில் போட்டு ஊற வைத்துக் கொள்ள வேண்டும்.
பின்பு ஒரு அகன்ற வாணலியை அடுப்பில் வைத்து, அதில் பால் ஊற்றி காய்ந்ததும், தீயை குறைவில் வைத்து பாலை ஓரளவு சுண்ட வைக்க வேண்டும்.
பின் அதில் ஊற வைத்துள்ள ஜவ்வரிசியைப் போட்டு, ஜவ்வரிசி நன்கு மென்மையாகும் வரை வேக வைக்க வேண்டும்.
ஜவ்வரியானது நன்கு வெந்ததும், ஊற வைத்துள்ள குங்குமப்பூ மற்றும் சர்க்கரை சேர்த்து, சர்க்கரை கரையும் வரை கிளறி விட வேண்டும்.
பின் அதில் நட்ஸ், ஏலக்காய் பொடி சேர்த்து கிளறி இறக்கினால், சுவையான ஜவ்வரிசி பாயாசம் ரெடி!!!
Re: ஜவ்வரிசி பாயாசம்
Fri Aug 19, 2016 6:54 pm
பாலக்காடு பால் பாயசம்
*************************************
பால் - 1 லிட்டர், பச்சரிசி - 1 கைப்பிடி, சர்க்கரை - 1 கப் .
அடி கனமான பாத்திரத்தில் பாலை ஊற்றிக் காய்ச்சவும்.
பால் காய்ந்ததும் அரிசியை பாலுடன் சேர்க்கவும்.
அடி பிடிக்காமல் இருக்க அவ்வப்போது கிளறவும்.
அரிசி குழைய வெந்ததும் இறக்கி வைத்து பிறகு சர்க்கரையை சேர்த்து கலக்கி பரிமாறவும்.
Permissions in this forum:
You cannot reply to topics in this forum
|
|