கிரிக்கெட் வீரன் டாடென்டா தைபு

உன்னத அழைப்பை பெற்ற ஓர் கிரிக்கெட் வீரன் டாடென்டா தைபு

இன்றைய உலகில் இயேசு கிறிஸ்துவை ஏற்றுக்கொண்டால் உலக ஆசீவாதங்களை பெற்றுக்கொள்ளவோம் என்று மட்டுமே பிரசங்கிக்கும் பிரசங்கிகள் பெருகி இருக்கும் இந்த காலத்தில் இயேசு கிறிஸ்துவுக்காய் இழக்க என்ன என்னிடம் உள்ளது என்று துடிப்பாய் கேட்டு தன் வாழ்வில் முக்கிய குறிக்கோள்கள் மூலம் அடைந்த உச்ச நிலையை தாரைவார்த்து தரணிக்காய் தன்னை தந்த தயாபரனின் அன்புக்காய் தன் வாழ்வை அவர் பணிக்கு அர்ப்பணித்த ஒரு அற்புத சீடனை உங்களுக்கு அறிமுகப்படுத்துவதில் மிகவும் மகிழ்ச்சியாக உள்ளது.

ஜிம்பாப்வே கிரிக்கெட் அணியின் முன்னாள் கேப்டன்.இவர் முதல் கருப்பினத்தை சேர்ந்த ஜிம்பாப்பே அணியின் கேப்டன்.இடதுகை ஆட்டக்காரர் மற்றும் விக்கெட் கீப்பர்.வலது கை சுழல் பந்து வீச்சாளரும் கூட.2004 ஆம் ஆண்டு இலங்கைக்கு எதிராக கேப்டனாக தேர்ந்தெடுக்கப்பட்டார்.குறைந்த வயதில் ஒரு அணியின் தலைவராக பொருப்பேற்றவர் என்ற சிறப்பை தக்கவைத்துள்ளவர்.ஜிம்பாப்வே அணிக்காக 28 டெஸ்ட் விளையாடி 1,546 ரன்களும், 150 ஒரு நாள் போட்டிகளில் ஆடி 2 சதம் உள்பட 3,393 ரன்களும் சேர்த்துள்ளார்.

இவரது தலைமையிலான ஜிம்பாப்வே அணி கடந்த ஆண்டு நடைபெற்ற வங்கதேசத்துக்கு எதிரான டெஸ்ட் தொடரில் வெற்றி கண்டது இவரது கேப்டன்ஷிப்பில் முக்கியமான நிகழ்வாக அமைந்தது.

11 ஆண்டுகள் கிரிக்கெட் விளையாடிய இவர் ,தனது 29 வது வயதில் தன் வாழ்க்கையை திருச்சபை ஊழியத்தில் செலவிடப்போகிறேன் என்று சொல்லி கிரிக்கெட்டிலிருந்து ஓய்வு பெறுவதாக அறிவித்தார்.

இருபது ஓவர் உலகக் கோப்பை போட்டிக்கான உத்தேச அணியில் இடம்பெற்று இருந்த நிலையில், தைபு ஓய்வு முடிவை அறிவித்தது ஜிம்பாப்வே கிரிக்கெட் வட்டாரத்தில் அதிர்ச்சியையும், ஆச்சரியத்தையும் ஏற்படுத்தியது.

இதை குறித்து அவர் கூறியது; ‘இப்போது என்னுடைய உண்மையான அழைப்பு தேவனுடைய பிரதான கட்டளையை செய்வதுதான் என்று நான் உணர்கிறேன்.நான் ஓர் அதிஷ்டசாலி.ஆயினும் நான் என் நாட்டிற்கு விளையாடியதற்காக பெருமைப்படுகிறேன்.என்னுடையவாழ்க்கையில் முழு கவனமும் செலுத்த இப்பொழுது நேரம் வந்துவிட்டது’.என்று கூறினார்.மேலும் அவர் சொன்னது ‘மக்கள் என்னைப்பார்க்கும் போது,அவர்களுக்காக மரித்த இயேசு கிறிஸ்துவைப் பிரதிபலிக்கிற ஒரு நபராக என்னைப் பார்ப்பதையே நான் விரும்புகிறேன் என்றார் தைபு.

பிலிப்பியர் 3:11 அவருக்காக எல்லாவற்றையும் நஷ்டமென்று விட்டேன்; குப்பையுமாக எண்ணுகிறேன்.