பெர்ஃப்யூம் (perfume) பிரியரா நீங்கள் ...?????

பெர்ஃப்யூமை எப்படி எவ்வளவு பயன்படுத்த வேண்டும்...!!

வாசனை திரவியங்களானது நீண்ட நேரம் நிலைத்திருப்பதில்லை என்பதால்,வாசனை திரவியங்களை பயன்படுத்தும் நபர்கள் எப்போதும் வாசனை உடலில் இருக்கவேண்டும் என நினைத்து டென்சனாகி, அளவாக பயன்படுத்த வேண்டிய வாசனை திரவியத்தையே அதிகமாக பயன்படுத்துகிறார்கள்.

இதனால் உடலில் இருந்து பெர்ஃப்யூம் நறுமணமானது நீண்ட நேரம் வீசும்.ஆனால், அதே சமயம் கடுமையான தலைவலியையும் சந்திக்கக்கூடும். அதுமட்டுமின்றி, உங்கள் அருகில் வருபவர்கள் உங்கள் மீது வீசும் அதிகப்படியான நறுமணத்தினால் அருகில் வராமலேயே சென்று விடுவார்.

பெர்ஃப்யூம் மணம் நீண்ட நேரம் நிலைத்திருக்கவும், பெர்ஃப்யூமை அளவாக பயன்படுத்துவது எப்படி என்பதற்க்கான எளிய வழிமுறைகள் கீழே :

ஆடை அணியும் முன்பே பெர்ஃப்யூம் அடியுங்கள். பொதுவாக அனைவரும் குளித்து முடித்து, ஆடை அணிந்து, தலை சீவி விட்டு, இறுதியில் கிளம்பும் போது தான் பெர்ஃப்யூம் போட்டு செல்வோம். ஆனால் உங்கள் பெர்ஃப்யூம் வாசனை நீண்ட நேரம் இருக்க வேண்டுமானால், ஆடை அணியும் முன்பே பெர்ஃப்யூம் அடியுங்கள். இப்படி ஈரமாக இருக்கும் போதே பெர்ஃப்யூம் அடித்தால், வாசனையானது நீண்ட நேரம் இருக்கும்.

முதலில் பெர்ஃப்யூம் நீண்ட நேரம் இருக்க வேண்டுமானால், சரியான இடத்தில் அந்த வாசனை திரவியத்தை அடிக்க வேண்டும். அதிலும் எப்போதும் லேசான ஈரப்பதத்துடன் இருக்கும்படியான இடத்தில் அடிக்க வேண்டும். உதாரணமாக, அக்குள், கழுத்து, கைகளில் மடங்கும் இடம் போன்ற இடங்களில் அடித்தால், வாசனை நீண்ட நேரம் நிலைத்திருக்கும்.

உங்களுக்கு எண்ணெய் பசை சருமமா? 

அப்படியானால் நீங்கள் சந்தோஷப்படலாம். ஏனெனில் எண்ணெய் பசை சருமம் உள்ளவர்கள் பெர்ஃப்யூம் அடித்தால், அவர்களின் உடலில் அந்த வாசனையானது நீண்ட நேரம் நிலைத்து இருக்குமாம். ஒருவேளை உங்களுக்கு உலர்ந்த சருமம் என்றால், மாய்ஸ்சுரைசர் தடவிய பின் பெர்ஃப்யூம் அடித்துக் கொள்ளுங்கள். இதனால் நீண்ட நேரம் பெர்ஃப்யூம் வாசனை இருக்கும்.

சிலர் பெர்ஃப்யூம் அடித்த பின்னர் தேய்த்துக் கொள்வார்கள். ஆனால் அப்படி தேய்த்துக் கொள்வதால், வாசனை திரவியத்தில் உள்ள மூலக்கூறுகளானது உடைந்து, எளிதில் காற்றில் கரைந்துவிடும். ஆகவே வாசனை திரவியத்தைப் பயன்படுத்திய பின்னர் தேய்க்க வேண்டாம்

பொதுவாக பெர்ஃப்யூம் அடிக்கும் போது 6 இன்ச் இடைவெளி விட்டு அடிக்க வேண்டும் என்று அந்த பாட்டிலிலேயே குறிப்பிட்டிருப்பார்கள். ஆகவே அதன் படி செய்து, மேற்குறிப்பிட்டுள்ளதை மனதில் கொண்டு பின்பற்றி வந்தால், நிச்சயம் நீண்ட நேரம் பெர்ஃப்யூம் வாசனையானது நிலைத்திருக்கும்...!!!