இஸ்லாமியரின் கிறிஸ்தவம் தொடர்பான கேள்விகளுக்கான விடைகள்

ஒரு சில நாட்களுக்கு முன்பு ஒரு இஸ்லாமியர் மின்னஞ்சல் வழியாக என்னிடம் கேட்ட கேள்விகளுக்கு பதிலளிப்பதில் ஆண்டவராகிய இயேசு கிறிஸ்துவின் நாமத்தில் மகிழ்ச்சியடைகிறேன்.

கேள்வி எண் 1. இயேசு ஒரு கிறிஸ்தவரா? கிருஸ்தவர் என்று பைபிள் இல் உள்ளதா?
நல்ல கேள்வி ஹாரீஸ் அவர்களே, இயேசு கிறிஸ்தவரா என்று அறிவதற்கு முன்னால் கிறிஸ்து என்றால் என்ன எனபதைப் பார்த்து அதை இயேசுவோடு பொறுத்திப் பார்த்தால் அவர் கிறிஸ்தவரா என்பதையும் பைபிளில் அப்படி சொல்லப்பட்டுள்ளதா என்பதையும் எளிதாக அறியமுடியும்.

கிறிஸ்து என்ற சொல் ஒரு கிரேக்கச் சொல்லாகும், இதன் எபிரேய சொல் மேசியா(S/O GOD) என்பதாகும், மல்லிகைப் பூவை தமிழில் மல்லிகை என்றும் ஆங்கிலத்தில் ஜாஸ்மின் என்றும் அழைக்கிறோம் அல்லவா அப்படியே கிறிஸ்துவும், மேசியாவும் ஒரே பொருளையுடைய வெவ்வேறு மொழி சொற்கள்(யோவான் 1:41, 4:25). இதற்கு தமிழில் கடவுளால் அபிஷேகிக்கப்பட்ட இறைமகன் மற்றும் இஸ்ரவேலை அனாதியாய் ஆள்பவர் என்று பொருள், யூதர்களுடைய வரலாற்றை எடுத்துக்கொண்டால் ஆதாம் காலத்தில் பாம்புக்கு கொடுக்கப்பட்ட சாபத்தில் நேரடியாக பிதாவாகிய தேவனாலும், மனிதர்கள் மூலமாக‌ ஆதாமுக்கு ஏழாம் தலைமுறையான‌ ஏனோக்கின் காலம் தொடக்கியே மேசியாவின் வருகையைக் குறித்த வெளிப்பாடுகள் வர ஆரம்பித்திருக்கின்றன. ஒவ்வொரு காலகட்டத்திலும் மோசே, சாமுவேல், தாவீது, சாலமோன், ஏசாயா, என்று பைபிளில் பெயர் குறிப்பிடும்படியான அனைத்து தீர்க்கதரிசிகளும் மேசியாவைக் குறித்த முன்னறிவிப்பு செய்திருக்கின்றார்கள். இந்த முன்னறிவிப்புகள் எல்லாம் சுமார் 500க்கும் அதிகமானவையாகும், அவைகள் அனைத்தையும் இயேசு நிறைவேற்றினார், அதாவது யாரிடம் எங்கு என்பது தொடங்கி இன்னவிதமாக மரிக்கப் போவது, உயிர்த்தெழுவது என்பது வரைக்கும் நிறைவேற்றினார். எந்த மனிதனாலும் தீர்மானிக்க முடியாத இரண்டு விசயங்கள் யாரிடம் எங்கு எப்போது பிறப்பது எப்படிப்பட்ட மரணத்தின் மூலம் மரிப்போம், மரித்த பின்பு திரும்ப எழும்புவது ஆகியவைகள் தீர்க்கதரிசிகள் மூலமாக முன்னறிவிக்கப்பட்டதை அப்படியே நிறைவேற்றினார் எப்படி? 

யாரிடம் மேசியா பிறப்பார் என்பதைக் குறித்த தீர்க்கதரிசனம்  
யூதர்களின் தோரா அதாவது கிறிஸ்தவர்களின் பழைய உடன்படிக்கையிலுள்ள ஏசாயா தீர்க்கதரிசன ஆகமத்தில் "இதோ, ஒரு கன்னிகை கர்ப்பவதியாகி ஒரு குமாரனைப் பெறுவாள், அவருக்கு இம்மானுவேல் என்று பேரிடுவாள்."(ஏசா7:14)

அதன்படியே இயேசுவும் கன்னிகையின் வயிற்றில் பிறந்தார் என்று இஸ்லாத்தும் ஒப்புக்கொள்கிறதல்லவா?

மேசியா எங்கே பிறப்பார் என்பதற்கான தீர்க்கதரிசனம்
அதே பழைய ஏற்பாட்டிலுள்ள மீகா தீர்க்கதரிசி: எப்பிராத்தா என்னப்பட்ட பெத்லகேமே, நீ யூதேயாவிலுள்ள ஆயிரங்களுக்குள்ளே சிறியதாயிருந்தும், இஸ்ரவேலை ஆளப்போகிறவர் உன்னிடத்திலிருந்து புறப்பட்டு என்னிடத்தில் வருவார்; அவருடைய புறப்படுதல் அநாதி நாட்களாகிய பூர்வத்தினுடையது.(மீகா 5:2) 

என்று மேசியா பெத்தலகேமில் பிறப்பார் என்று சொல்லப்பட்ட தீர்க்கதரிசனமும் இயேசுவில் நிறைவேறியிருக்கிறது என்பதையும் இந்த உலகம் அறியும்.,

மேசியாவின் மரணம் குறித்த தீர்க்கதரினம்
அவர் நெருக்கப்பட்டும் ஒடுக்கப்பட்டும் இருந்தார், ஆனாலும் தம்முடைய வாயை அவர் திறக்கவில்லை; அடிக்கப்படும்படி கொண்டுபோகப்படுகிற ஒரு ஆட்டுக் குட்டியைப்போலவும், தன்னை மயிர்கத்தரிக்கிறவனுக்கு முன்பாகச் சத்தமிடாதிருக்கிற ஆட்டைப்போலவும், அவர் தம்முடைய வாயைத் திறவாதிருந்தார்.(ஏசாயா 53:7)

கர்த்தருக்கு விரோதமாகவும், அவர் அபிஷேகம்பண்ணினவருக்கு விரோதமாகவும், பூமியின் ராஜாக்கள் எழும்பிநின்று, அதிகாரிகள் ஏகமாய் ஆலோசனைபண்ணி: அவர்கள் கட்டுகளை அறுத்து, அவர்கள் கயிறுகளை நம்மைவிட்டு எறிந்துபோடுவோம் என்கிறார்கள்.
பரலோகத்தில் வீற்றிருக்கிறவர் நகைப்பார்; ஆண்டவர் அவர்களை இகழுவார்.(சங்கீதம்2) 

இது அப்படியே இயேசுவின் வாழ்க்கையில் நிறைவேறிற்று 

இயேசுவே மேசியா என்று அவர் வாயில் சொல்லுதல்
இயேசு தேசாதிபதிக்கு முன்பாக நின்றார்; தேசாதிபதி அவரை நோக்கி நீ யூதருடைய ராஜாவா என்று கேட்டான். அதற்கு இயேசு: நீர் சொல்லுகிறபடிதான் என்றார்.(மத்தேயு 27:11)
அவர் அடைந்த ஆக்கினையின் முகாந்தரத்தைக் காண்பிக்கும் பொருட்டு, யூதருடைய ராஜா என்று எழுதி, சிலுவையின் மேல் கட்டினார்கள்.(மாற்கு 15:26)
மேற்கண்ட வசனங்கள் இயேசு மேசியா என்று அறிவிக்கப்பட்டதை அறிந்து கொள்கிறோம், 

அந்த வகையில் இயேசுவே கிறிஸ்து என்பது சந்தேகத்துக்கு இடமில்லாமல் பைபிள் சொல்லுகிறது, 

இயேசு கிறிஸ்து சரி இயேசு கிறிஸ்தவரா?
அன்பு நண்பரே இயேசுகிறிஸ்து அதாவது இறைமகன், இஸ்ரவேலை அநாதியாய் ஆள்பவர், பிதாவினால் அபிஷேகம் செய்யப்பட்டவர் இயேசு கிறிஸ்து என்று பைபிள் தெளிவாக விளக்கியதைப் பார்த்தோம் இப்போது கிறிஸ்வர்கள் என்பதைக் குறித்துப் பார்ப்போம்,

கிறிஸ்தவர்கள் என்பவர்கள் யார்?
யூதர்கள் பொதுவாக மற்ற இன‌த்தாரோடு பந்தியிருக்க மாட்டார்கள், ஆனால் இயேசுவை ஏற்றுக்கொண்ட யூதர்கள் இயேசுவை ஏற்றுக்கொண்ட கிரேக்கர்களுடன் ஒரே சபையாக அந்தியோகியா என்ற இடத்தில் உலக வரலாற்றில் முதன்முறையாக சமபந்தி போஜனம் அதாவது கிறிஸ்து கற்பித்த இராபோஜனத்தை நிணைவுகூரும் வகையில் பந்தியிருந்தார்கள். அதைப் பார்த்த இயேசுவை ஏற்றுக்கொள்ளாத யூதர்களும், கிரேக்கர்களும், மற்ற இணத்தாருடன் பந்தியிருக்கும் தங்கள் மக்களை கேலி செய்வதற்காக கிறிஸ்தவர்கள் என்ற பட்டப்பெயரை வைத்து அழைத்தர்கள் அது முதல் இயேசு கிறிஸ்துவின் சீஷர்களுக்கு கிறிஸ்தவர்கள் என்ற பெயர் வழங்களாயிற்று என்று வேதம் சொல்லுகிறது(அப்போஸ்தலர் 11:26)

அது சரி இயேசு கிறிஸ்தவரா?
ஆம் அவர் ஒரு கிறிஸ்தவரே, கிறிஸ்துவுக்கு கிறிஸ்தவராவதில் பெரிய சிரமம் இருக்கப் போவதில்லை, அவர் அவருடைய சீஷர்களுக்கு முன்னுதாரணமாக தான் வாழ்ந்த காலத்தில் சகேயூ எனப்பட்ட ஒரு ஆயக்காரன்(தாழ்ந்த குடி) வீட்டில் உணவருந்தினார், மத்தேயூ எனப்பட்ட ஒரு ஆயக்காரனை தன்னுடைய 12 அப்போஸ்தலர்களுல் ஒருவராக வைத்து தானும், பின்நாட்களில் யூதர்கள் மற்றும் கிரேக்கர்களால் கிறிஸ்தவர்கள் என்று இகழப்பட்டவர்களின் தலைவர்களாக இருந்த அப்போஸ்தலர்களும், அந்த ஆயக்காரனுடன் பந்தியிருந்தார்கள், 

அன்று ஜாதி இன மொழி வித்தியாசமில்லாமல் அந்தியோகியாவில் பந்தியிருந்த இயேசுவின் சீடர்கள் கிறிஸ்தவர்கள் என அழைக்கப்பட்டால் இன்று பரிசுத்த திருப்பந்தியில் கிறிஸ்துவின் இரத்தமும் சரீரமுமாகிய சாக்கிரமந்தை புஷித்துப் பானம்பன்னும் எங்களையும் இந்த உலகம் கிறிஸ்தவர்கள் என்று சொல்லுமானால் எங்கள் தலைவர் இயேசுவும் கிறிஸ்தவர் தானே?

உங்களுடைய இரண்டாவது கேள்வி
தற்போது உங்களிடம் உள்ள பைபிளின் வரலாறு என்ன?
இதற்கான பதில் இந்தத் தொடுப்பில் இருக்கிறது: [url=http://www.bibleuncle.com/search/label/%E0%AE%AA%E0%AF%88%E0%AE%AA%E0%AE%BF%E0%AE%B3%E0%AF%8D %E0%AE%B5%E0%AE%B0%E0%AE%B2%E0%AE%BE%E0%AE%B1%E0%AF%81]http://www.bibleuncle.com/search/பைபிள் வரலாறு[/url] 
இதைப் படியுங்கள் நாளை அதில் ஏதேனும் சந்தேகங்கள் இருந்தால் கர்த்தருக்கு சித்தமானால் நிச்சயமாக தெளிவாக்குகிறேன் நன்றி

உலக மொழிகளில் பைபிள் 
ஒரு கருத்து உலக அளவில் பிரபலமாக வேண்டுமானால் அது உலக மொழிகளில் மொழியாக்கம் செய்யப்படவேண்டும், ஆனால் உலக மக்களோடு செய்துகொள்ளப்பட்ட உடன்படிக்கைகள் ஒரு கால கட்டம் வரை அதாவது பல நூற்றாண்டுகள் வரை மூல மொழிகளைத்தவிர வேறு எந்த மொழிகளிலும் மொழியாக்கம் செய்யப்படவில்லை. இதற்கு இரன்டு அடிப்படைக் காரனங்கள் உண்டு யகோவா தேவன் இஸ்ரவேலரராகிய நமக்கு மட்டுமே சொந்தம் அவருடைய வாக்குத்தத்தங்களும் உடன்படிக்கையும் நமக்கெ உரியது என இஸ்ரவேல் மக்கள் நினைத்தனர், இரண்டாவது காரணம் பல நூற்றாண்டுகள் இஸ்ரவேல் மக்கள் எபிரேய மொழியைத்தவிர வேறு எந்த மொழியையும் பேசவில்லை.

கிரேக்க‌ சாம்ராஜ்ஜியம்
உலக வரலாற்றில் பாபிலோனிய ஆட்சிக்குப்பின் மாபெரும் வல்லரசாக உருவானது பெர்சிய பேரரசு ஆகும் இதன் எல்லைகள் எத்தியோபியா முதல் இந்தியா வரை நீண்டிருந்தது என எஸ்தர் 1;1ல் வாசிக்கிறோம். அதன் பின் எழும்பிய கிரேக்கப் பேரரசு உலக அளவில் கலை இலக்கிய வரலாற்றில் ஒரு மாபெரும் புரட்சியை உருவாக்கியது, இந்த பேரரசில் சிதறிக்கிடந்த இஸ்ரவேலர்கள், கிரேக்கப் பேரரசின் தாக்கத்தால் எபிரேய மொழியைவிட கிரேக்க மொழியையே அதிகமாகப் படிக்க ஆரம்பித்தனர்.

ஜெதுவஜித்து (LXX)
கிமு 3ஆம் நூற்றாண்டில் எகிப்பதை ஆண்ட தாலமி11(பிலடல்பஸ்) என்ற மன்னன் கிரேக்க மொழியில் பைபிளை மொழியாக்கம் செய்யவேண்டும் என விரும்பினான், அதன் படி இஸ்ரவேல் கோத்திரத்தில் கோத்திரத்திற்கு ஆறு பேர் வீதம் மொத்தம் எழுபத்திரெண்டு அறிஞர்களைத் தேர்வு செய்து நியமித்தான், அவர்கள் எழுபத்திரண்டே நாட்களில் எபிரேய மொழியில் இருந்து கிரேக்க மொழிக்கு மொழிமாற்றம் செய்தனர், இதற்கு எழுபது எனப் பெயர் கொள்லும் வகையில் ஜெப்துவஜித்து (Septuagint) எனப் பெயரிட்டனர், இந்த மொழியாக்கம் எகிப்திலுள்ள அலெக்சான்டிரியா நகரில் நடந்தது.

மூலமொழி புத்தகத்திற்கும் கிரேக்க மொழி பெயர்ப்புக்கும் உள்ள வேறுபாடு
நீங்கள் ஒரு வேறுபாட்டை பைபிளில் கவனித்திருப்பீர்கள் அதாவது கத்தோலிக்க பைபிளில் கூடுதல் ஆகமமும் நாம் வைத்திருக்கும் பைபிளில் பழைய ஏற்பாட்டில் 39 ஆகமமும் மட்டுமே இருக்கும், இதற்கு காரனம் இந்த ஜெப்துவஜிந்து தான், அதாவது இஸ்ரவேலர்களில் தாயகமான பாலஸ்தீனாவில் புழ‌க்கத்திலிருந்த எபிரேய வேத்தத்தில் 39 புத்தகம் மட்டுமே இருந்தது ஆனால் எகித்து அலெக்சாண்டிரியாவில் மொழியாக்கம் செய்யப்பட்ட வேதத்தில் சில கூடுதல் புத்தகங்கள் சேர்க்கப்பட்டன‌.
இந்த‌ கூடுத‌ல் புத்த‌க‌ங்க‌ளை இயேசு கிறிஸ்துவோ அப்போஸ்த‌ல‌ர்க‌ளோ ஏற்றுகொள்ள‌வில்லை ஆகவே தான் அவைக‌ளை த‌ள்ளுப‌டி ஆக‌ம‌ங்க‌ள் அல்ல‌து விடுப‌ட்ட‌ ஆக‌ம‌ங்க‌ள் அல்ல‌து ம‌றைக்க‌ப்ப‌ட்ட‌ ம‌றை நூல‌க‌ள் என்று சொல்லுகிறோம், இது ஏன் விடுப‌ட்ட‌து? இதில் எதேனும் முர‌ன்பாடுக‌ள் இருக்கிற‌தா என்ப‌தை அடுத்து வரும் அத்தியாயங்களில் கான‌லாம் இப்போது மற்ற மொழிபெய‌ர்ப்புக‌ள் ப‌ற்றி இங்கே காண்போம்,

கிரேக்க‌ மொழியாக்க‌த்திற்குப் பிற‌கு வேத‌ம் ம‌ற்ற‌ மொழிக‌ளில் சில‌ நூற்றாண்டுகால‌ம் மொழியாக்க‌ம் செய்ய‌ப்ப‌ட‌வில்லை

சீரியாக் மொழியாக்க‌ம்
சீரியாக் என‌ப்து மெச‌ப‌டோமியாவில் ச‌ம‌வெளிப் ப‌குதியில் வாழ்ந்த‌ ம‌க்க‌ள் பேசிய‌ ஒருவ‌கை மொழியாகும், இந்த‌ மொழியில் கிபி முத‌ல் நூற்றாண்டில் வேத‌ம் மொழியாக்க‌ம் செய்ய‌ப்ப‌ட்ட‌து இத‌ற்கு பெசிட்டா மொழியாக்க‌ம்
என்று பெய‌ர் பெசிட்டா என்றால் 'சாதார‌ன' என்று பொருளாகும்.


வால்கேட்
கிபி 2ஆம் 3ஆம் நூற்றாண்டில் ரோம‌ப் பேர‌ர‌சு வ‌லுப்பெற்றிருந்த‌ கால‌ க‌ட்ட‌த்தில் ல‌த்தீன் மொழி உல‌க‌ அள‌வில் அதிக‌மாக‌ப் பேச‌ப்ப‌ட்ட‌து இத‌னால் ல‌த்தீன் மொழியில் மொழியாக்க‌ம் செய்ய‌ப்ப‌ட‌ வேண்டிய‌து கால‌த்தின் க‌ட்டாய‌மாக்க‌ப்ப‌ட்ட‌து கிபி நான்காம் நூற்றாண்டில் ஜெரோம் என்ப‌வ‌ர் கிரேக்க‌ மொழியிலிருந்து ல‌த்தீன் மொழிக்கு வேத்தத்தை மொழியாக்க‌ம் செய்தார். அவ‌ர் முத‌லில் புதிய‌ ஏற்பாட்டையும் பின் ப‌ழைய‌ ஏற்பாட்டையும் கிரேக்க‌ மொழியிலிருந்து லத்தீன் மொழிக்கு மொழியாக்கம் செய்தார். இதற்கு வால்கேட் என பெயர் வால்கேட் என்றால் பொதுமக்களுக்கு உரியது எனப் பொருள்படும்.

வால்கேட் வெளிவந்து சுமார் 10 நூற்றாண்டுகள் (100 ஆண்டுகள்) வேறு எந்த மொழியாக்கமும் பிரதானமாக வெளிவரவில்லை அதற்கு காரணம் பொதுமக்களுக்கு உரியது என பெயரிடப்பட்ட வால்கேட் பொதுமக்கள் வாசிப்பதற்கு தடைவிதிக்கப்பட்டது கார‌ண‌ம் ம‌க்க‌ள் ஒவ்வொருவ‌ரும் ஒவ்வொரு வித‌த்தில் புரிந்து கொண்டு விள‌க்க‌ம‌ளித்த‌தால் குருமார்க‌ள் ம‌ட்டுமே ப‌டிக்க‌ வேண்டும் என‌ அறிவுருத்த‌ப்ப‌ட்ட‌து. அது ம‌ட்டும‌ல்லாம‌ல் ல‌த்தீன் மொழி தெய்வீக‌ மொழி என்றும் அதில் தான் வேத‌ம் ப‌டிக்க‌ வேண்டும் என்ற‌ க‌ட்டுக்க‌தைக‌ள் நில‌வி வ‌ந்த‌தால் மொழியாக்க‌ம் த‌டைப‌ட்டுக் கிட‌ந்த‌து.

இந்த‌ நிலை சீர்திருத்த‌த் த‌ந்தை மார்டீன் லூத‌ர் கிங் அவ‌ர்க‌ள் ல‌த்தீன் வேத‌த்தை ஜெர்ம‌ன் மொழியில் வெளியிடும் கால‌ம் வ‌ரை நீடித்த‌து.

மேலும் சில‌ மொழியாக்க‌ங்கள்

காப்டிக் மொழியாக்க‌ம்
ஜெப்துஜிந்திலிருந்து காப்டிக் என்ற‌ ப‌ழமையான‌ எகிப்தின் புதிய‌ எழுத்து ந‌டையில் மொழியாக்க‌ம் செய்ய‌ப்ப‌ட்ட‌து இந்த‌ மொழியாக்க‌ம் இப்போதும் கீழை எகிப்தில் புழ‌க்க‌த்தில் உள்ள‌து.

கோதிக் மொழியாக்க‌ம்
ஜெர்ம‌ன் மொழிகுடும்ப‌த்தில் மூத்த‌ முத‌ல் மொழிபெய‌ர்ப்பு இதுவாகும் இதை பேராய‌ர் உல்பிலாஸ் என‌ப‌வ‌ர் கிபி 4ஆம் நூற்றான்டில் வெளியிட்டார்.

அன்பானவர்களே பைபிளில் ஏற்பாடு என்ற சொல்லுக்கு உடண்படிக்கை எனபதை முந்தைய கட்டுரையில் அறிந்தோம், மேலும் பழைய உடண்படிக்கை பன்டைய மெசபடோமியா நாகரீகத்தில் வாழ்ந்து வந்த ஆபிரகாம் என்ற பக்திமானோடு செய்யப்பட்டது என அறிந்தோம், இனி புதிய ஏற்பாடு(உடன்படிக்கை) பற்றி இங்கே காண்போம், 

புதிய உடன்படிக்கை யாரால் ஏற்படுத்த‌ப்பட்டது?
நாம் பழைய உடன்படிக்கை பற்றிய முந்தைய கட்டுரையில் ஆபிரகாமுடன் கடவுள் செய்து கொண்ட ஒப்பந்ததின் படி, கடவுளின் எதிர்பார்ப்புப்படி வாழ்ந்த ஆபிரகாமின் வம்சத்தில் வந்த யூத குலத்தில் உலகமக்களின் பாவத்திற்கு பலியாகி உலகமக்களின் நல்வாழ்கையை உறுதி செய்ய அனுப்பப்பட்ட மேசியாவாகிய இயேசு கிறிஸ்துவே புதிய உடன்படிக்கைக்கான ஆதாரம், அவரே இந்தப் புதிய உடன்படிக்கையை ஏற்படுத்தினார்.

புதிய உடன்படிக்கையில் என்ன சொல்லப்பட்டிருக்கிறது?
புதிய உடன்படிக்கை என்பது மனித இனத்திற்கு ஒரு மிகப்பெரிய கிடைப்பதற்கரிய ஓர் ஒப்பற்ற சொத்து ஆகும், இதில் மனிதன் சாகாமல் நித்தியமான வாழ்வு பெற்றுக்கொள்ள முடியும், எப்படி ஒன்றும் புரியவில்லையா? மேலே படியுங்கள் புரிந்துவிடும், அதாவது கடவுள் பரிசுத்தமாய்ப் படைத்த மனிதனின் வாழ்வில் பிசாசு மனித இனத்தில் பாவம் என்ற நஞ்சை விதைத்தான். இதனால் மனிதன் திருடு, பொய், சூது அன்பின்மை, விபசாரம், போன்ற பாவங்களில் விழுந்தான், அவனுடைய பாவத்தினால் மனிதன் பாவத்தின் சம்பளமான தண்டனையை அடைந்து வந்தான், இதனால் மனமிறங்கிய கடவுள் மனிதனின் பாவங்களுக்காக தானே இந்த பூமிக்கு வந்து குற்றமில்லாதவராய் வாழ்ந்து மிகவும் சித்ரவதைப்பட்டு மான்டார், ஒரு மனிதன் தன் இயல்பிலேயே உள்ள தீய குண‌ங்களினால் செய்த குற்றங்களுக்குத் தண்டனை அடைய விரும்பமாட்டான், ஆகவே அவனது பாவங்களை இயேசுவிடம் ஒப்படைத்து விட்டால் இம்மையிலும் மறுமையிலும் அவன் அடையவேண்டிய தண்டனையிலிருந்து தப்பலாம், 
மனிதன் இந்த உடன்படிக்கையில் பங்குகொள்ளச் செய்யவேண்டியது என்ன‌?
இந்த உடன்படிக்கையில் பங்குள்ளவர்களாக மாற மனிதனிடம் கடவுள் எதிர்பார்ப்பது மிகவும் சிறியதாகும் அவை:

1. தேவக் குமாரனாம் இயேசுகிறிஸ்துவிடம் தாம் தெரிந்தும் தெரியாமலும் செய்த பாவங்களைக் கூறி மன்னிப்பைப் பெற்றுக்கொள்ள வேண்டும் 

2. முன் கட்டுரையில் கண்ட பத்து கட்டளையோடு நம்மில் நாம் எவ்வளவு அன்பு செலுத்துகிறோமோ அப்படியே மற்றவர்களின் தவறுகளை மன்னித்து அவர்களிடம் அன்பு செலுத்த வேண்டும் இவையே மனிதன் இந்தப் புதிய உடன்படிக்கையில் பங்கு பெறச் செய்ய வேண்டியவை ஆகும்.

புதிய உடன்படிக்கையில் பங்கு பெற்றால் என்ன நன்மை?
இந்தப் புதிய உடன்படிக்கையில் மனிதன் பங்கு பெற்றால் பிசாசினால் உண்டாகும் தீமைகளான, பரம்பரைச்சாபம், நோய்கள், பற்றாக்குறைகள், நிம்மதியின்மை, சமாதானமற்ற நிலை, தீயப்பழக்கங்களுக்கு அடிமையாதல், இன்னும் பல தீமைகளிலிருந்து விடுதலை அடைய முடியும் மேலும் இந்த உலக வாழ்வின் முடிவில் மரனமில்ல நித்திய வாழ்வை அடைய முடியும்.

நித்திய வாழ்வு என்றால் என்ன‌?
அதென்ன நித்திய வாழ்வு என நீங்கள் கேட்பது புரிகிறது நீங்கள் பாவமற்றவராய் வாழ்ந்தால் உங்கள் உடலுக்கு மட்டுமே மரனம் வரும், உங்கள் ஆத்மாவிற்கு அல்ல உங்கள் ஆத்துமா கடவுளோடு இன்பமான பரிசுத்த நிலையில் சொல்ல முடியாத சமாதானத்தோடும் மகிழ்ச்சியோடும் முடிவிள்ளா நாட்களோடு இளைப்பாரும்.

இந்தப் புதிய உடன்படிக்கையில் பங்கு பெறாவிட்டால் என்ன ஆகும்?
நாம் கடவுளின் இந்தப் புதிய உடன்படிக்கையில் பங்குபெறாவிட்டால், அல்லது குறைந்த பட்சம் நம்செயல்களிலாவது இந்த உடன்படிக்கையைக் கைக்கொள்ளாவிட்டால் நாம் பிசாசின் பிடியில் இருப்போம் அப்போது திருடுதல், பொய்சொல்லுதல், விபச்சாரம் செய்தல், பெருமை, கொலை, போன்ற பாவங்களைச் செய்து பிசாசின் மகனாய் வாழ்ந்து சாபம், நோய்கள், சமாதானமின்மை, இன்னும் பல இன்னல்களை நாமும் நம் சந்ததியும் அனுபவிப்பதோடு மட்டுமல்ல இறப்பில் நித்திய இளைப்பாறுதலுக்குச் செல்லாமல் பிசாசினோடு இனைந்து கடவுளின் நியாயதீர்ப்புக்கு ஆளாகவேண்டும், 

இயேசுவை ஏற்றுக்கொண்டால் மட்டும் போதுமா?
இல்லை என்பது தான் பதில் நாம் நம் பாவங்களை இயேசு கிறிஸ்துவிடம் கொடுத்துவிட்டால் மட்டும் போதாது நம் செயலில் உடன் மேலே சொன்ன உடன்படிக்கையில் கடவுளின் எதிர்பார்ப்பையும் கட்டாயம் நிறைவேற்ற வேண்டும்.