கிறிஸ்துமஸ் விடுமுறை ரத்து : மத்திய இந்துத்துவ ஆரிய அரசு முடிவு - விரைவில் அமல்

கிறிஸ்துமஸ் விடுமுறை ரத்து : மத்திய இந்துத்துவ ஆரிய அரசு முடிவு - விரைவில் அமல் 

போலோ பாராத மாதாவிற்கு ஊ...!! ஊ ....!!!

மத்திய அரசின் மனிதவள மேம்பாட்டுத்துறை முன்னாள் பிரதமர் வாஜ்பாய் மற்றும் இந்து மகாசபா தலைவர் மதன்மோகன் மல்வியா ஆகியோரின் பிறந்த நாளை ‘‘சிறந்த ஆளுமை’’ தினமாக கொண்டாட முடிவு செய்துள்ளதாக தெரிகிறது.

25–ந்தேதி கிறிஸ்துமஸ் பண்டிகை நாளில் மத்திய அரசின் நவோதயா, கேந்த்ர வித்யாலயா பள்ளிகளில் கொண்டாட திட்டமிட்டு இருப்பதாக கூறப்படுகிறது.

பா.ஜ.க. தலைவர்களின் பிறந்த நாளை சிறந்த ஆளுமை தினமாக கொண்டாடும் நேரத்தில் பள்ளி குழந்தைகளுக்கு பல்வேறு போட்டிகள் நடத்தி பரிசுகள் வழங்க வேண்டும் என்று சுற்றறிக்கை அனுப்பப்பட்டு உள்ளதாக தெரிகிறது.

25–ந் தேதி அன்று 1 முதல் 5–ம் வகுப்பு, 6 முதல் 8–ம் வகுப்பு, 9 முதல் 10–ம் வகுப்பு வரை உள்ள குழந்தைகளுக்கு கட்டுரைப்போட்டி, வினா – விடை போட்டி, குறும்படங்கள் திரையிட்டு மாணவர்களுக்கு ஆளுமை தினம், பண்டிகளை பற்றி விளக்கி கூற வேண்டும் என சுற்றறிக்கையில் கூறப்பட்டுள்ளது.

கிறிஸ்துமஸ் பண்டிகை தினத்தில் மத்திய அரசு பள்ளிகளில் இத்தகைய நிகழ்ச்சிகளை நடத்த மனித வளத்துறை முடிவு செய்துள்ளது. இதனால் அந்த பள்ளி குழந்தைகளுக்கு கிறிஸ்துமஸ் விடுமுறை ரத்ததாகும் நிலை ஏற்பட்டுள்ளது.

ஆனால் இது பற்றி மற்ற சி.பி.எஸ்.இ. பள்ளிகளுக்கு இதுவரை எந்த தகவலும் வரவில்லை என்று பள்ளி நிர்வாகி ஒருவர் தெரிவித்தார்.

மராட்டிய மாநிலம் நாக்பூர் பகுதியில் மத்திய அரசு பள்ளிகளில் கிறிஸ்துமஸ் பண்டிகை நாளில் சிறந்த ஆளுமை தினம் கொண்டாட முடிவு செய்திருப்பதாக தெரிகிறது.

தமிழகத்தில் உள்ள சி.பி.எஸ்.இ மற்றும் கேந்த்ர வித்யாலயா பள்ளிகளுக்கு சுற்றறிக்கை எதுவும் அனுப்பப்பட்டு உள்ளதா என சி.பி.எஸ்.இ சென்னை மண்டல அதிகாரி சுதர்சன ராவ்விடம் கேட்டதற்கு அது பற்றி எந்த தகவலும் வரவில்லை என்றார்.

பொதுவாக குளிர்கால விடுமுறை டிசம்பர் 23 அல்லது 24–ந் தேதியில் இருந்து விடுவது வழக்கம். அந்த விடுமுறை காலத்தில் கிறிஸ்துமஸ் மற்றும் புத்தாண்டு தினம் கொண்டாடப்படுகிறது.

தமிழகத்தை பொறுத்தவரை அரையாண்டு தேர்வு 23–ந் தேதி முடிவடைகிறது. 24–ந் தேதி முதல் ஜனவரி 1–ந் தேதி வரை அனைத்து பள்ளிகளும் விடுமுறை விடப்பட்டுள்ளது.

ஜனவரி 2–ந் தேதி தான் பள்ளிகள் மீண்டும் திறக்கப்படுகிறது.


நன்றி: விடுதலை ஈ பேப்பர் முகநூல்